KAIMANGNGANG 3:9 - KITTA' MATANGKASA'

⁹ Untu' koro'bang passiamakkanga mae ri Batara, musti napassareangi imanga bageang-bageang kammaya anne: jannana anjo gimbalaka, sikontu ingkonna niaka jannana siagang nipolonga ri ampi'na buku dongko'na, jannana anrokokiai bone battanna,

KAIMANGNGANG 3:9 ပူးပေါင်းရင်းမြစ်များ

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

1 KARAENG-KARAENG 8:63

Untu' koro'bang pappasiamakkang assaremi Salomo 22.000 sapi siagang 120.000 gimbala'. Kammaminjo karaenga siagang sikontu ra'yaka appare'mi pa'gaukang untu' angresmikangi Balla'Na Batara.

1 KARAENG-KARAENG 8:64

Ia memang anjo alloa naresmikang tommi Salomo bageang ri tangngana paranglakkeng niaka ri dallekanna anjo Balla'Na Batara. Nampa ri anjo paranglakkenga assaremi koro'bang nitunu, koro'bang gandung, siagang jannana olo'-oloka untu' koro'bang pappasiamakkang. Yangasenna anjo napassareangi anjoreng lanri ca'di dudui tampa' pakkoro'bangngang tambagaya untu' yangasenna anjo passarea.

1 PATTOTTORANG 16:1

Nipadongko'mi anjo Patti Parjanjianga lalang ri kema le'baka napasadia Daud untu' anjo Pattia. Nampa assaremo koro'bang ke'nanga mae ri Allata'ala, iamintu koro'bang nitunu siagang koro'bang untu' passiamakkang.

KALAPPASSANG 29:22

Allei jannana anjo gimbala' lakia, ingkonna niaka jannana, lapisi' jannana battu ri parru'na, bageang kaminang bajika battu ri atenna, ruaya lempanna siagang jannana, siagang bongga kananna.

PANGNGEBARANG 23:26

Parhatikangi baji'-baji', siagang contoi tallasa'na, ana'!

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

KAIMANGNGANG 17:5

Ia ero'na anjo parentaya iamintu sollanna naerang bansa Israel mange ri KemaNa Batara sikontu olo'-olo' nipassareanga ia biasaya nasamballe ke'nanga ri kokoa. Musti naerangi ke'nanga anjo passarea mange ri imanga ri dallekang pakke'bu' KemaNa Batara nampa nasamballe anjoreng untu' koro'bang passiamakkang.

KAIMANGNGANG 7:3

Imanga musti napassareangi irate ri tampa' pakkoro'bangnganga sikontu jannana anjo olo'-oloka, iamintu: Ingkonna a'jannaya, janna niaka antongkoki bone parru'na, lempanna siagang jannana, siagang atenna kaminang bajika.

KAIMANGNGANG 8:25

Naallei Musa jannana anjo gimbalaka, ingkonna niaka jannana, sikontu jannana antongkokai bone parru'na, atenna kaminang bajika, lempanna siagang jannana kammayatompa bangkeng kananna.

KAIMANGNGANG 9:19

Bageang niaka jannana battu ri anjo sapia siagang bembea napadongkoki ke'nanga

1 SAMUEL 10:8

Le'baki anjo musti a'lampako mange ri Gilgal nuttayang anjoreng tuju allo. Sallang labattua' untu' assare koro'bang nitunu siagang koro'bang pappasiama', nampa kupauangko apa musti lanugaukang.”