KAIMANGNGANG 3:17 - KITTA' MATANGKASA'

¹⁷ Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

KAIMANGNGANG 3:17 ပူးပေါင်းရင်းမြစ်များ

PA'JARIANG 9:4

Tena ruanna takkullea nukanre, iamintu dageng niaka ija cera'na, nasaba' anjo nyawaya niaki lalang ri ceraka.

2 PATTOTTORANG 29:35

Pantaranganna koro'bang nitunua, assare tongi sikamma imanga iamintu janna battua ri olo'-olo' koro'bang sukkuru' nikanrea ri ra'yaka. Assare tongi ke'nanga anggoro' na napatiri' napasiagang anjo koro'bang nitunua. Kammami anjo, nanigaukammo ammotere' panynyombanga ri Balla'Na Batara.

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 28:43

Anjo saluaraka musti tuli napakei ke'nanga punna antama' ri KemaKu yareka nareppesi tampa' pakkoro'bangnganga untu' anggaukangi ibadaya salaku imang ri Kamara' Matangkasaka, sollanna tena namate ke'nanga lanri kacinikangi bageang kalenna tenaya nasiratang nicini'. Anjo paratoranga tuli nipakei untu' Harun siagang jari-jarina.”

YEHEZKIEL 33:25

Lanri kammana Nasuroa' Batara Kaminang Tinggia ampabattui anne pasanNa mae ri ke'nanga angkana, “Angnganreko dageng niaka ija cera'na; nusombai barhalaya siagang nugaukangi ammunoa. Barani tojengko angngani anne buttaya angkana ikau pata.

YEHEZKIEL 44:15

Nakana Batara Kaminang Tinggia, “Ri wattungKu nabokoi bansa Israel, imang-imang tu Lewi battua ri jari-jarina Zadok tamamminrayai allayaniA' lalang ri BallakKu. Lanri kammana anjo iami anjo ke'nanga musti allayaniA' siagang battu mae ri dallekangKu untu' angngerang passare janna siagang cera'na sikamma koro'banga.

YEHEZKIEL 44:7

Le'ba'mi ke'nanga anra'massi BallakKu, nasaba' lalang nipassareanna mae ri Nakke jannana siagang cera'na koro'banga, napa'biangi ke'nanga antama sikamma bansa maraeng tenaya nassunna', siagang tena namannuruki ri Nakke. Lanri anjo sikamma panggaukanna ke'nanga appakaringi'-ringika, nadakkaimi parjanjiangKu siagang ke'nanga.

KAIMANGNGANG 10:15

Bongganna passare nisa'laka siagang barambanna passare nipappicinikanga musti nierangi siagang jannana koro'bang nitunua salaku passare nisa'la' mae ri Batara. Anjo bageang-bageanga ikau pata siagang ana'-ana'nu sa'genna satunggu-tungguna, sangkamma Naparentakanga Batara.”

KAIMANGNGANG 10:9

“Punna le'bakko angnginung je'ne' anggoro' yareka inungang terasa', ikau siagang ana'-ana'nu takkulleako antama' ri KemaKu. Punna nudakkai anjo paratoranga, lamateko. Anjo parentaya musti naturuki sikontu jari-jarinu.

KAIMANGNGANG 16:29

Anne paratorang-paratoranga musti nituruki sa'genna satunggu-tungguna. Ri tanggala' sampulo bulang tuju, tu Israel siagang bansa maraeng ammantang tulia ri alla'na ke'nanga musti appuasai siagang tanipa'biangai anjama, nasaba' anjo alloa iamintu allo teai sipato' matangkasa'na. Anjo alloa musti nigaukangi upacaraya untu' antangkasi bansa Israel battu ri sikontu dosana ke'nanga sollanna a'jari matangkasa'.

KAIMANGNGANG 16:34

Anjo upacaraya musti nigaukangi sikali sitaung untu' ampakatangkasaki bansa Israel battu ri sikontu dosana ke'nanga. Iaminjo paratorang-paratorang mustia nituruki sa'genna satunggu-tungguna. Nagaukammi Musa situru' anjo apa Naparentakanga Batara mae ri ia.

KAIMANGNGANG 17:7

Bansa Israel musti tamamminrayai mae ri Batara, siagang tena sikali-kali nakkulle anynyamballe ke'nanga olo'-olo' ri koko-kokoa untu' passare mae ri sikamma jing ja'dalaka. Anjo paratoranga musti nituruki sa'genna satunggu-tungguna.

KAIMANGNGANG 19:26

Teako angnganrei cera'. Teako ammakei pangngassengang baca-baca.

KAIMANGNGANG 23:14

Ri wattu tenanapa nuerangi anjo passarea mae ri Batara, takkulleai nukanre anjo gandung berua manna pole sike'de', baji namataya, kammayatompa nilanggaya yareka nitunua nipa'jari roti. Anne paratoranga musti nituruki ri sikontu jari-jarinu sa'genna satunggu-tungguna.

KAIMANGNGANG 23:21

Ri anjo alloa musti asse'reko untu' anggaukangi ibadaya siagang takkulleako anggaukangi jama-jamang battalaka. Anjo paratoranga musti nituruki ri jari-jarinu sa'genna satunggu-tungguna, manna pole kemae ke'nanga ammantang.

KAIMANGNGANG 24:3

Harun musti naatoroki anjo lampu-lampua battu ri karueng sa'genna bari'basa' ri tampa' kahaderanNa Batara, ri pantaranna gordeng antongkokai Patti Parjanjianga ri Kamara' Kaminang Matangkasaka. Anjo parentaya musti nigaukangi sa'genna satunggu-tungguna.

KAIMANGNGANG 24:9

Anjo rotia iami untu' bageanna Harun siagang jari-jarina. Musti nakanrei ke'nanga ri tampa' matangkasaka, nasaba' anjo rotia iamintu bageang sannaka tangkasa'na battu ri koro'bang nipassareanga mae ri Batara untu' sikamma imanga.

KAIMANGNGANG 3:16

Imang tugasaka musti natunu ngasengi anjo sikammaya irate ri tampa' pakkoro'bangnganga. Rasanna anjo koro'bang nikanrea lanapakasannangi nyawaNa Batara. Sikontu jannana anjo olo'-oloka untu' Batara ngaseng.

KAIMANGNGANG 4:1

Nasuroi Batara Musa

KAIMANGNGANG 6:15

Musti angngallei sikangkang labu' alusu' siagang minynya' kammayatompa sikontu kamanynyanna, nampa natunu irate ri tampa' pakkoro'bangnganga a'jari pammatei angkanaya yangasenna anjo koro'banga le'ba'mi nipassareang mae ri Batara. Rasanna anjo koro'banga napakasannangi nyawaNa Batara.

KAIMANGNGANG 6:18

Untu' satunggu-tungguna sikamma bura'ne jari-jarina Harun akkullei nakanre anjo rotia; iaminjo bageang attantuna ke'nanga battu ri kanre-kanreang nipassareanga mae ri Batara. Tau maraenga punna naseroi anjo kanre le'bakamo nikoro'bangkang, langgappai bala lanri koasa katangkassanna anjo koro'banga.

KAIMANGNGANG 6:22

Untu' satunggu-tungguna sikamma jari-jarina Harun nilantika a'jari Imang Lompo musti assarei koro'bang kammaya anjo. Yangasenna anjo koro'banga musti nitunui untu' passare mae ri Batara.

KAIMANGNGANG 7:23

untu' bansa Israel. Jannana sapia, gimbalaka yareka bembea, takkulleai nikanre.

KAIMANGNGANG 7:34

Barambanna siagang bongga kananna iami passare nisa'la' Naallea Batara battu ri passare napappicinikanga bansa Israel siagang nipassareanga mae ri sikamma imanga. Iaminjo sumbanganna bansa Israel mae ri sikamma imanga sa'genna satunggu-tungguna.

KAIMANGNGANG 7:36

Ri anjo alloa Batara Naparentakangi mae ri bansa Israel sollanna anjo battua ri passarena ke'nanga, iaminjo a'jari bageanna sikamma imanga. Anjo paratoranga musti naturuki bansa Israel sa'genna satunggu-tungguna.

PAMMILANGNGANG 19:21

Anjo paratoranga nipakei untu' satunggu-tungguna. Anjo tau ampiraccikiai anjo je'ne' upacaraya musti nasassa tongi pakeanna, siagang anjo tau natabaya anjo je'neka a'jari ra'masaki sa'genna labu alloa.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

LAMPA-LAMPANA 15:29

teako angnganrei kanre le'baka nipassareang mae ri barhalaya; teako angnganrei cera', teako angnganrei olo'-olo' mate niaccekanga, siagang pakabellai kalennu ri gau'-gau' assalimaraka. Punna nupakabella ngasemmo kalennu ri apa-apa kammaya anjo, nugaukammi nikanaya kabajikang. Sikammamo anne, poro salama' ngasengko!”

EFESUS 1:7

Nasaba', nilappassang maki' ri Allata'ala, lanri kamateanNa Almasi; battuanna le'ba'mi nipammopporang dosa-dosata.

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

PAOLE 12:16

Mingka cera'naji bawang takkullea nukanre, passangalinna musti nutumpai naung ri buttaya sangkamma je'ne'.

PAOLE 12:23

Mingka dageng niaka ija cera'na takkulleai nukanre, lanri anjo nyawaya niaki lalang ceraka, nampa takkulleako angkanrei nyawaya siagang dagenna.

PAOLE 12:24

Cera'na tena sikali nakkulle nukanre, passangalinna musti nutumpai naung ri buttaya sangkamma je'ne'.

PAOLE 15:23

Cera'na takkulleai nukanre, mingka musti nutumpai naung ri buttaya sangkamma je'ne'.”

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

1 TIMOTIUS 4:4

Sikontu apa-apa Napa'niaka Allata'ala sikontutojenna baji' ngasengi; tena manna sirupa akkulle niharangngang punna nitarimai siagang sukkuru' battu ri Allata'ala.