KAIMANGNGANG 3:13 - KITTA' MATANGKASA'

¹³ Anjoreng musti napadongkoki limanna ri tompo' ulunna anjo bembea nampa nasamballe ri dallekanna Kemaya. Imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 3:13 ပူးပေါင်းရင်းမြစ်များ

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

KAIMANGNGANG 1:4

Nampa musti napadongkoki limanna irate ri tompo' ulunna anjo olo'-oloka, na Natarimamo Batara anjo passarena untu' nipammopporang dosana.

KAIMANGNGANG 3:12

Punna anjo nipassareanga iamintu sikayu bembe, anjo tau assarea musti naerangi mange ri KemaNa Batara.

KAIMANGNGANG 3:14

Untu' koro'bang nikanrea mae ri Batara, musti napassareangi imanga bageang-bageang kammana anne bembea: jannana anrokokiai bone parru'na,

KAIMANGNGANG 3:8

Anjoreng musti napadongkoki limanna ri tompo' ulunna anjo gimbalaka, nampa nasamballe ri dallekanna Kemaya. Nampa musti napatiri' imanga cera'na anjo gimbalaka mae ri appaka sa'rinna anjo tampa' pakkoro'bangnganga.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.