KAIMANGNGANG 27:8 - KITTA' MATANGKASA'

⁸ Punna anjo tau attinjaka kasi-asi dudui untu' ambayaraki anggarang le'baka nipattantu, musti naerangi anjo tau eroka napassareang ri Batara mae ri imanga. Imanga musti napanaungi anggaranna situru' pakkullenna anjo taua.

KAIMANGNGANG 27:8 ပူးပေါင်းရင်းမြစ်များ

2 KARAENG-KARAENG 7:5

Ri wattunna lappakkaramulamo sassang, a'lampami ke'nanga mange ri pakkemaanna tu Siria, mingka tena manna sitau nacini' ke'nanga anjoreng.

YEREMIA 5:7

Nakana Batara, “Angngapa namusti Kupammopporang dosa-dosana ummakKu? NabokoiMa' ke'nanga siagang anynyombami ke'nanga ri tenaya na Allata'ala. Kusarei ke'nanga kanre sa'genna bassoro', mingka kammaji a'gau' bawanna, siagang masarroi a'lampa ke'nanga mange ri baine pasundalaka.

KAIMANGNGANG 12:8

Punna tena pakkullena anjo bainea appasadia sikayu ana' gimbala', musti angngerangi ruang kayu jangang-jangang bodobangkeng yareka bukkuru' rungka: sikayu untu' koro'bang nitunu na sikayu untu' koro'bang pammopporang dosa. Imanga musti nagaukangi upacaraya untu' antangkasi kara'massanna anjo bainea, sa'genna a'jari tangkasa'.

KAIMANGNGANG 27:9

Punna anjo tinjaka iamintu ri passala'na olo'-olo' hallalaka, tenaya nakkulle nitarima salaku passare mae ri Batara, anjo tau attinjaka takkulleai nasambei siagang olo'-olo' maraeng, nasaba' sikontu apa nipassareanga mae ri Batara a'jari Napatangi Batara. Punna kammaji nasambeina todong, anjo ruaya olo'-olo' a'jari Napatang rua-ruai Batara.

KAIMANGNGANG 5:11

Punna tena pakkullena anjo tau kasalanga appasadia sipasang bukkuru' yareka jangang-jangang bodobangkeng untu' koro'bang nipammopporanna dosaya, musti angngerangi sikilo labu'. Anjo labuka takkulleai nipasileo' siagang minynya' zaitun yareka nipasierang kamanynyang, nasaba' anjo koro'banga iamintu koro'bang nipammopporanna dosaya, teai koro'bang nipatala.

KAIMANGNGANG 5:7

Mingka punna tena pakkullena anjo tau kasalanga appasadia gimbala' yareka bembe untu' antangkasi dosana, musti angngerangi sipasang jangang-jangang bukkuru' yareka jangang-jangang bodobangkeng rungka, sikayu untu' koro'bang nipammopporanna dosana, nampa sikayu pole untu' koro'bang nitunu.

MARKUS 14:7

Tu kasi-asia tuli nia'na ri tangnga-tangnganu ngaseng. Punna erokko tena masala wattu nakkulle nutulung ke'nanga. Mingka iNakke, tena Kutuli lania' angngagangko.

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.