KAIMANGNGANG 27:28 - KITTA' MATANGKASA'

²⁸ Tena manna sitau akkulle ambalukangi yareka ampasuluki apa le'baka nisa'la' mae ri Batara, baji' a'rupa taua kammayatompa a'rupa olo'-oloka yareka buttaya. Anjo kammaya a'jari Napatammi Batara sa'genna satunggu-tungguna.

KAIMANGNGANG 27:28 ပူးပေါင်းရင်းမြစ်များ

2 PATTOTTORANG 31:14

Kore ana'na Yimna, tu Lewi, a'jari kapala pangawala' ri Pakke'bu' Lompo Timboro'na Balla'Na Batara, nisarei tugasa' untu' antarimai passare-passare nipassareanga mae ri Batara, nampa nabage-bage.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

YEHEZKIEL 44:29

Katallassanna ke'nanga iamintu musti battu ri gandung passarea, koro'bang pannangkasi dosa, siagang koro'bang passambe karugiang; sikontu-kontuna apa nipassareanga mae ri Nakke, musti nisareangi ke'nanga.

YEHEZKIEL 48:14

Manna silama' takkullei nabalukang ke'nanga anjo buttaya yareka napassambei; bageang kaminang bajika battu ri butta Israel takkulleai nipalette' mae ri tau maraenga, nasaba' anjo buttaya le'ba'mi nisa'lakkang Batara siagang untu' Napatang.

KAIMANGNGANG 21:22

Mingka akkullei nakanre kanre nipassareanga, baji' koro'bang kanre-kanreang matangkasaka kammayatompa koro'bang kanre-kanreang sannaka matangkasa'na.

KAIMANGNGANG 27:21

Lalang ri Taung Pammoterang labattua, anjo kokoa a'jari Napatammi Batara sa'genna satunggu-tungguna, nampa nipassareang mae ri sikamma imanga.

KAIMANGNGANG 27:27

Mingka olo'-olo' harang bungasaka lassu' akkullei nipasulu' situru' anggarang niaka tappake ri KemaNa Batara, nampa nitambai ruampulo parseng. Punna tena nipasuluki, anjo olo'-oloka akkullei nibalukang mae ri tau maraenga situru' anggarang niaka tappake ri KemaNa Batara.

KAIMANGNGANG 27:29

Ba'lalo tau le'bakamo nisa'la' mae ri Batara sollanna nipanraki takkulleai nipasulu'; musti nibunoi anjo taua.

PAMMILANGNGANG 18:14

Sikontu apa-apa niaka ri butta Israel, ia le'baka nisa'la' untu' iNakke, iaminjo untu' ikau.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

PAOLE 25:19

Lanri kammana anjo, punna Napassareammo Karaeng Allata'alanu anjo pa'rasanganga mae ri kau, siagang amang mako battu ri sikamma musunnu niaka ri tammulilinu, anjo sikontu tu Amalek musti nubuno ngasengi sa'genna nikaluppaimo ke'nanga. Teako kaluppai!”

PAOLE 7:26

Teako ammoliki patung barhala lalang balla'nu, sollanna anjo pattunra antujuai tena natuju tongko. Anjo apa kammaya musti numusui siagang musti nupakatunai, lanri nitunrai ri Batara.”

YOSUA 6:26

Anjo wattua napasuluki Yosua pappisangka kammaya anne, “Inai-nai ero' angngusahakangi untu' ambangungi ammotere' anne kota Yerikho, lanitabai ri pattunraNa Batara. Inai-nai lantannangngi batu pondasi, latappelaki ana' toana; na inai-nai ampatabai sikamma pakke'bu' lompona, latappelaki ana' bungkona.”

YOSUA 7:1

Le'ba'mi Naparentakang Batara mae ri umma' Israel angkanaya battu ri sikontu apa-apa mustia niancuru' ri Yerikho, tena sikali apa-apa akkulle nialle. Mingka anjo parentaya tena nanituruki. Nia' sitau bura'ne niareng Akhan andakkai anjo parentaya, sa'genna sanna' larroNa Batara mae ri umma' Israel. (Manggena Akhan niarengi Karmi siagang toana niarengi Zabdi, battu ri golongang bijanna Zerah lalang ri suku Yehuda.)

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.

HAKING-HAKING 21:11

Niparentakangi ke'nanga ambunoi sikontu tu bura'nea, siagang sikontu baine tenayamo natulolo.

HAKING-HAKING 21:5

Nampa nasalidiki ke'nanga, apaka nia' battu ri suku-suku bansa Israel tamangea asse're andallekang mae ri Batara ri Mizpa pirangalloang. (Anjo wattua le'ba'mi assumpa ke'nanga angkanaya tau tenaya nabattu ri pakkiokanga mange ri Mizpa musti nihukkung matei).

1 SAMUEL 15:18

Nampa pole Nasuro maki' Batara angngancuruki anjo tu Amalek ja'dalaka. Nasuroki' a'bundu' angngewai ke'nanga sa'genna la'busu' ngaseng ke'nanga.

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”