KAIMANGNGANG 27:17 - KITTA' MATANGKASA'

¹⁷ Punna anjo buttaya nipassareangi appakkaramula Taung Pammoteranga, ballinna nibayara' ngasengi.

KAIMANGNGANG 27:17 ပူးပေါင်းရင်းမြစ်များ

KAIMANGNGANG 25:10

Musti nusa'laki anjo taung makalimampuloa, siagang nupa'la'bang kabebasanga mae ri sikontu pandudu'na pa'rasanganga. Lalanna anjo taunga sikontu barang-barang le'baka nibalukang musti nipoterangi mae ri uru patannaya yareka mae ri jari-jarina. Inai-nai nibalukang salaku ata musti nipoterangi mae ri kaluargana.

KAIMANGNGANG 25:11

Teako lamungi kokonnu. Gandung attimboa kalenna yareka rappo anggoro' tenaya niparakai ri kokonnu takkulleai nupasse're siagang nuboli'.

KAIMANGNGANG 25:13

Lalang anjo taunga sikontu tampa' le'baka nibalukang musti nipoterangi mae ri uru patannaya.

KAIMANGNGANG 25:9

Nampa ri tanggala' sampulo bulang tuju, iamintu allo nipammopporanna dosaya, suroi taua appasa'ra tarompe' ri kere-kere mae ri sikontu pa'rasanganga.

KAIMANGNGANG 27:14

Punna nia' tau ampassareangi balla'na mae ri Batara, imanga musti napattantui ballinna situru' kaadaanna anjo ballaka. Anjo ballinna le'baka napattantu takkulleai nitawarri.

KAIMANGNGANG 27:16

Punna nia' tau ampassareangi sipa'gang tampa'na mae ri Batara, ballinna musti nipattantu situru' jaina lamungang niparalluanga untu' allamungi anjo tampaka. Untu' ta'ruampuloa kilo gandung, ballinna sampulo doe' pera'.

KAIMANGNGANG 27:18

Punna anjo buttaya nipassareangi ri le'ba'namo Taung Pammoteranga, imanga musti natassereki balli nibayara' kontanna situru' taung niaka ija ammantang sa'genna narapi' Taung Pammoterang labattua, nampa napattantu ballinna la'bi lammoroka.