KAIMANGNGANG 27:16 - KITTA' MATANGKASA'

¹⁶ Punna nia' tau ampassareangi sipa'gang tampa'na mae ri Batara, ballinna musti nipattantu situru' jaina lamungang niparalluanga untu' allamungi anjo tampaka. Untu' ta'ruampuloa kilo gandung, ballinna sampulo doe' pera'.

KAIMANGNGANG 27:16 ပူးပေါင်းရင်းမြစ်များ

YESAYA 5:10

Tena nala'jari wassele' buttana, koko anggoro'na niaka sampulo hetto luara'na, sampuloji litere' je'ne' anggoro' wassele'na. Sibilangngang litere' bibi' gandung nalamung, na sampuloji litere' wassele'na.”

HOSEA 3:2

Jari assarema' doe' pappanai' 15 doe' pera' siagang 150 kilogarang gandung untu' anggappai anjo bainea.

KAIMANGNGANG 27:15

Punna anjo taua eroki napasulu' balla'na, musti nabayaraki anjo ballinna nampa natambai ruampulo parseng.

KAIMANGNGANG 27:17

Punna anjo buttaya nipassareangi appakkaramula Taung Pammoteranga, ballinna nibayara' ngasengi.

LAMPA-LAMPANA 5:4

Anjo tanaya ikau pata ri wattunna tenapa nubalukangi. Na ri wattunna le'ba' nubalukang anjo tanaya, anjo doe' ballinnaya, ikau tonji pole pata. Jari angngapa nania' lalang ri atinnu ero' appanggaukang kammaya anjo? Teai rupataua nuballe-ballei, mingka Allata'ala!”