KAIMANGNGANG 26:5 - KITTA' MATANGKASA'

⁵ Lalla'bi-la'bi wassele'na buttanu, sa'genna akkatto ijako gandung, nanarapi'mo sedeng wattu pangngalleanna rappo anggoroka. Siagang punna narapi'mo wattunnu la'lamung gandung, tenapa nule'ba' angngalle ngasengi rappo anggoro'nu. Lagannaki kanre-kanreannu siagang lasalewangangi tallasa'nu lalang ri pa'rasangannu.

KAIMANGNGANG 26:5 ပူးပေါင်းရင်းမြစ်များ

PAMMUJI 144:13

Poro rassi ngaseng bonena sikontu gudanta rassi siagang sangka' rupa wassele' butta. Poro sikamma gimbalatta ri paranga a'bija sa'genna appulo sa'bu jaina.

PAMMUJI 90:1

Pappala' doanna Musa, atanNa Allata'ala. O Batara, iKattemi tampa' pa'la'langanna ikambe sikontu turungang.

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

PANGNGEBARANG 1:33

Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.

YESAYA 30:23

Punna appakiorokko bine, laNapaturungi Batara bosia sollanna attimbo anjo binea siagang angngerang wassele' kattoang alla'bi-la'bia. Untu' olo'-olo' piaranu lasadiai parang ruku' luaraka.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

HOSEA 2:18

Anjo wattua lapparekKa' parjanjiang siagang sikontu rupanna olo'-oloka, sollanna tanaganggua ke'nanga ummakKu. LaKupammari sikontu pa'bundukanga siagang Kupabella ngasengi sikontu pakkakasa' pa'bundukanga battu ri pa'rasanganna ummakKu, naKupakasannang siagang Kupakaamang tallasa'na ke'nanga.

HOSEA 2:20

LaKunikkaiko situru' janjingKu. LanuaniA' salaku Bataranu.

YO"EL 2:19

Appialimi ri ke'nanga kamma anne, “Kamma-kamma anne Kusare ngasengko: gandung, anggoro' siagang minynya' zaitun untu' kanre-kanreang, sollannu nibassori ngaseng. Tena nalaKupa'biangko nihina yareka nikakkali ri bansa-bansaya.

YO"EL 2:22

He sikamma bintoenga, teako lussakki. Parang-parang rukuka kamma-kamma anne moncong bulomi. Roasa'mi rapponna poko'-poko' a'rappoa, alla'bi-la'bimi rappo anggoroka siagang rappo araya.

YO"EL 2:26

Lagannakko ri kanre-kanreang siagang labassoroki nusa'ring. Lanupakala'biriki Karaeng Allata'alanu, nasaba' Nagaukangi mae ri kau jai gau' malompo. UmmakKu tenamo nalanicau-cau!

AMOS 9:13

Nakana Batara, “Lanarapiki wattunna nasanna' linta'na timbona gandunga sa'genna tena tappu'na akkatto taua. Poko' anggoroka lasanna' copponna batena attimbo sa'genna tulusu' appare'na taua je'ne' anggoro'. Je'ne' anggoroka lammattiki battu ri sikamma buluka siagang assolongi battu ri sikamma bontoa.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

PAOLE 11:15

kammayatompa rukuka untu' olo'-olo' piaranu. Sikontu kanre-kanreang nuparalluia lasadia ngasengi untu' ikau.

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.