KAIMANGNGANG 26:46 - KITTA' MATANGKASA'

⁴⁶ Iaminjo hukkung-hukkung siagang parenta-parenta Napassareanga Batara irate ri Moncong Sinai mae ri Musa untu' bansa Israel.

KAIMANGNGANG 26:46 ပူးပေါင်းရင်းမြစ်များ

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

KAIMANGNGANG 25:1

Irate ri Moncong Sinai a'bicarai Batara mae ri Musa siagang Nasuroi

KAIMANGNGANG 27:1

Napassareangi Batara mae ri Musa

KAIMANGNGANG 27:34

Iaminjo parenta-parenta Napassareanga Batara irate ri Moncong Sinai mae ri Musa untu' bansa Israel.

KAIMANGNGANG 7:38

Napassareangi Batara anjo parenta-parentaya mae ri Musa ri Moncong Sinai, ri wattunna Nasuro bansa Israel assare koro'bang ri parang lompona Sinai.

KAIMANGNGANG 8:36

Nampa nagaukammi Harun siagang sikamma ana'na sikontu apa Naparentakanga Batara tete ri Musa.

PAMMILANGNGANG 36:13

Iaminjo paratorang-paratorang siagang katantuang-katantuang Napassareanga Batara mae ri bansa Israel tete ri Musa, wattunna nia' bansa Israel ri lappara' Moab ri biring Binanga Yordan, ri ampi'na kota Yerikho.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

PAOLE 12:1

“Iaminne hukkung-hukkung mustia nuturuki lalang sikontu umuru' katallassannu ri pa'rasangang Napassareanga Batara, Allata'alana boe-boenu, mae ri kau.

PAOLE 13:4

Tau kammaya anjo musti nihukkung matei, lanri eroki ampasala oloangko battu ri oloang Naparentakanga Karaeng Allata'alanu mae ri kau. Anjo tau kammaya tau ja'dala', lanri nasuroko ambaliangi Karaeng Allata'alanu, Ia le'baka allappassangko battu ri Mesir, tampa' le'baka nupammantangngi nipare' ata. Jari musti nibunoi anjo tau kammaya, sollanna nipaccappu' anjo kaja'dallanga. Mingka ikau paralluko amminawang turu' ri Karaeng Allata'alanu siagang mappakala'biri' mae ri Ia; mannurukiko ri Ia siagang gaukangi sikontu parentaNa. Tuli majarre' pa'maikko ri Ia siagang nupare' ata kalennu mae ri Ia.

PAOLE 29:1

Iaminne kana-kana parjanjiang napareka Musa siagang bansa Israel situru' parentaNa Batara, ri wattunna nia' ke'nanga ri butta Moab. Anjo parjanjianga iamintu pannambai battu ri parjanjiang Napareka Batara siagang ke'nanga ri Moncong Sinai.

PAOLE 33:4

Nituruki hukkung napassareanga Musa, barang kaminang tinggia anggaranna ri bansaya anne.

PAOLE 4:5

Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.