KAIMANGNGANG 26:43 - KITTA' MATANGKASA'

⁴³ Mingka anjo buttaya musti nikosongi rolong ri pandudu'na niaka, sollanna akkulle ammari-mari tojeng. Siagang anjo ummakKu musti najappai ngasengi anjo hukkungang Kupabattua mae ri ke'nanga lanri taero'na anturuki paratorang-paratorangKu siagang parenta-parentaKu.

KAIMANGNGANG 26:43 ပူးပေါင်းရင်းမြစ်များ

2 PATTOTTORANG 33:12

Lalang nakasia'namo anjo sessaya napakatunami kalenna ri dallekanNa Karaeng Allata'alana, nampa appala' doang appala' pannulung.

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

AYUB 5:17

Upakko punna Napasaileko Allata'ala! Teako la'ba pa'mai'nu punna Nacallako.

PAMMUJI 119:67

Ri tenanapa nihukkunga', ammengka sala', anne kamma anna'gala' jarre'ma' ri parentaTa.

PAMMUJI 119:71

Memang bajiki lanri Kihukkunga' sollanna kuasseng sikamma katantuanTa.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 50:17

Saba' taerokako antarimai pappakaingakKu, siagang nutollaki parenta-parentaKu.

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

YEREMIA 31:19

Le'baki ma'boko ikambe mae ri Katte, mingka assesse'lalammi ikambe ri gau' kammana anjo. Ri le'ba'namo Kihukkung ikambe, ta'dundumi ulunna ikambe napakamma si'na. Siri'-siriki ikambe siagang a'jari tunai lanri dorakanamo ikambe ri wattu rungkana.’

DANIEL 9:14

IKatte, o Karaeng Allata'alana ikambe, le'ba' anghukkungi ikambe iamintu bala le'baka Kipasadia; tindakanTa tuli annabai siagang adeleki, mingka ikambe tamappilangngeria ri kananTa.

KAIMANGNGANG 26:11

NiakKa' lammantang ri alla'nu lalang ri KemaKu, siagang tena nalaKutollakko.

KAIMANGNGANG 26:15

punna nudakkai parjanjiang Kupareka siagang ikau kammayatompa taerokako anturuki sikamma apa le'baka Kupattantu siagang parenta-parentaKu,

KAIMANGNGANG 26:30

LaKuancuruki sikamma tampa' panynyombannu ri bulu'-buluka, Kurumbangi sikamma tampa' pakkoro'bangngannu untu' attunu dupa, nampa Kupasambila sikamma maya'nu mae ri rumbanna anjo sikamma barhalanu. ErokKa' Kusa'ring ta'langnge

KAIMANGNGANG 26:41

sa'gengKu angngalle tindakang angngewai ke'nanga nampa Kubongka ke'nanga mange ri pa'rasanganna musu-musunna ke'nanga. Kala'busanna, punna tundu'mo jari-jarinu siagang le'ba'mi najappai hukkunganga lanri dosana siagang mangngewana ke'nanga mae ri Nakke,

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.