KAIMANGNGANG 26:42 - KITTA' MATANGKASA'

⁴² laKuu'rangimi parjanjiangKu siagang Yakub, Ishak siagang Abraham. LaKuberui janjingKu untu' ampassareangi anjo buttaya mae ri bansaKu.

KAIMANGNGANG 26:42 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

PA'JARIANG 26:2

Nagaukammi anjo kammaya, lanri le'ba'na Napappicinikang KalenNa Batara ri ia naNakana, “Teako a'lampai mange ri Mesir, mingka ammantang mako anrinni ri anne pa'rasanganga, situru' Kuparentakanga ri kau.

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 26:5

LaKubarakkaki ngasengko, lanri le'ba'namo mannuruki Abraham ri Nakke siagang nakatutui sikamma hukkungKu siagang parentaKu.”

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 35:12

Pa'rasangang le'baka Kupassareang mae ri Abraham siagang Ishak, laKupassareangi mae ri turungannu.”

PA'JARIANG 9:15

laKuu'rangi janjingKu mae ri kau siagang mae ri sikontu apa-apa attallasaka, iamintu angkanaya tenamo nalaniancuru' sikontu apa-apa attallasaka ri a'ba lompoa.

PA'JARIANG 9:16

Punna kacinikang tarawea ri rammanga, laKuciniki siagang laKuu'rangi parjanjiangKu satunggu-tunggua mae ri sikontu apa-apa attallasaka ri lino.

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

PAMMUJI 136:23

Tena Nakaluppaiki' ri wattunta nibeta; pangngamaseanNa sa'genna satunggu-tungguna.

KALAPPASSANG 2:24

Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

KALAPPASSANG 6:5

Jari pa'la'bammi pabattu mange ri bansa Israel angkanaya Kukana ri ke'nanga: iNakke Batara; laKulappassangko battu bansa Mesir, ampare' atayako. LaKupappicinikangi kakoasangKu malompoa untu' ampasalamakko siagang Kuhukkung battala' bansa Mesir.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YEHEZKIEL 16:60

Mingka laKuu'rangi parjanjiang le'baka Kupare' siagang ikau ri wattu lolonu siagang apparekKa' parjanjiang siagang ikau ia tappakea satunggu-tungguna.

YO"EL 2:18

Nampa Naparhatikang Batara buttaNa, siagang Nakamaseang umma'Na.

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

PAOLE 4:31

Anjo Karaeng Allata'alanu, Iami Allata'ala sannaka lompona pangngamaseanNa. Tena nalaNabokoiko yareka tena nalaNapanrakiko, yareka tena nalaNakaluppai parjanjiang Napareka KalenNa siagang boe-boenu.

PAOLE 9:27

Kiu'rangi ata-atanTa Abraham, Ishak siagang Yakub, siagang teaKi' jampangi anjo sipa' kapala batuna, yareka kaja'dallanna siagang dosana anne bansaya.

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.