KAIMANGNGANG 26:36 - KITTA' MATANGKASA'

³⁶ Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

KAIMANGNGANG 26:36 ပူးပေါင်းရင်းမြစ်များ

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

PA'JARIANG 4:12

Punna a'lamung-lamungko latena apa-apa wassele'na; la'lampako mange-mange siagang latena pammantangannu ri lino.”

AYUB 13:25

Inakke poro leko' kayu runanja' niiri' ri anging numalo, angngapa naKipannekkere' kamma'! Inakke poro rarame kalotoro' siagang kalumenja' bawang, angngapa nakkulle Kiondang kamma dudua'!

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

PAMMUJI 53:6

Tau ja'dalaka lasanna' malla'na, natenaja apa appakamalla', saba' Napasiaraki Allata'ala buku-bukunna tau angkatulungiako; nitolla'mi ke'nanga ri Allata'ala, jari lanubetami ke'nanga.

PAMMUJI 89:43

Kisarei pammetang musu-musunna, Kipa'jari rannu ngasengi sikontu balinna.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

YESAYA 30:17

Sisa'bu tau lalari nasitauja musu ambakkai, siagang limaji tau ambakkaiko nulari ngasemmo. Battu ri sikontu pasukannu se're mami benteng bandera ammenteng rate ri coppo' bulu'.

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YESAYA 7:4

Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.

YEREMIA 37:10

Ebara' angkana nubetai sikontu tantarana Babel sa'genna ia ammantanga iamami sannaka loko'na lalang ri kema-kemana ke'nanga, mingka lambangungi ke'nanga nampa natunu anne kotaya sa'genna la'busu'.’ ”

YEREMIA 46:16

Jai tantaranu latatto'ro siagang tu'guru'. Nakana ke'nanga massing para ia, ‘Umba kimmotere' mange ri bansata sollanna kikkulle ta'lappasa' battu ri bahayana pa'danna musua.’

PIRAUNG 1:3

Nabokoimi tu Yehuda pa'rasanganna, lanri nipa'jarina ata na tamaka pa'risi'na tallasa'na. Anne kamma nia'mi ri tangnga-tangngana bansa maraeng tampa' tenaya nasalewangang. Nikurummi ri musunna ke'nanga ri wattu pa'risi'na tallasa'na.

PIRAUNG 1:6

Anjo kaporeanna kota Yerusalem ammantang mami a'jari carita. Sikamma pamimpinna a'jari lammami rapang jonga sanna' cipuru'na. Tena pakkullena ri musu battua angngondangi.

PIRAUNG 4:19

Sanna' gassinna lari tau angngondanga ri kambe la'bi gassing larina na jangang-jangang rajawalia. Iratei ri moncong ke'nanga angngondangi ikambe, na naruppai ikambe ri parang lompoa.

YEHEZKIEL 21:12

He tau, appiraungko siagang akkiokko! Lanri anjo pa'danga sadiai angngewai ummakKu. Sikamma pamimpinna Israel siagang sikontu bansaya lanicokai ri anjo pa'danga sa'genna panra'. Jari sappuru'mi barambannu lanri pacce,

YEHEZKIEL 21:15

Napa'jari bansaKu tappela' kabaranianna siagang tu'guru' tatto'ro. Kuancangi kotana ke'nanga siagang anjo pa'danga, accillaka sangkamma kila', siagang sadiaya untu' ammuno.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

HOSEA 8:3

mingka taerokai ke'nanga antarimai apa bajika. Lanri kammana anjo nalaniondammo ke'nanga ri musu-musunna ke'nanga.

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

PAOLE 1:44

Nampa assulu'mo tu Amori niaka ammantang ri anjo daera monconga untu' angngewako. Anjo ke'nanga teai sipato' jaina, sanrapangi bania jaina. Naondang mako sa'genna mae ri Horma bellana, nampa nibetako ri ke'nanga ri daera moncong Edom.

YOSUA 5:1

Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.

YOSUA 7:5

Niondangi ke'nanga ri tu Ai battu ri pakke'bu' lompona kota Ai sa'genna mange ri daera pangngekeang bassia, nampa nabuno kira-kira nia' tallumpulo angngannang tau battu ri ke'nanga ri pungku'na buluka. Na'jari lussa'mo siagang malla'mi tu Israel.

1 SAMUEL 17:24

Nacini'na tu Israel anjo Goliat, lari memammi silalonna tu Israel napakamma malla'.