KAIMANGNGANG 26:30 - KITTA' MATANGKASA'

³⁰ LaKuancuruki sikamma tampa' panynyombannu ri bulu'-buluka, Kurumbangi sikamma tampa' pakkoro'bangngannu untu' attunu dupa, nampa Kupasambila sikamma maya'nu mae ri rumbanna anjo sikamma barhalanu. ErokKa' Kusa'ring ta'langnge

KAIMANGNGANG 26:30 ပူးပေါင်းရင်းမြစ်များ

PA'JARIANG 19:13

nasaba' anne kotaya lanipanraki ri kambe. Nalangngere'mi Batara sikamma tuduhang battalaka mae ri sikamma tau ammantanga ri anne kotaya, na ikambemi anne nisuro battu untu' antumpasaki anne kota Sodom.”

1 KARAENG-KARAENG 13:2

Lanri parentaNa Batara, akkio'mi anjo na'bia mae ri anjo tampa' pakkoro'bangnganga angkana, “He tampa' pakkoro'bangngang, he tampa' pakkoro'bangngang! Kammai anne kananNa Batara, ‘Nia' sitau ana' laniareng Yosia lanilassukang lalang ri kaluargana Daud. Irateannu, he kau tampa' pakkoro'bangnganga, lanabuno sikontu imang-imang niaka tugasa' ri tampa'-tampa' passambayangang mae ri rewataya, siagang pole tau le'baka assare koro'bang irateannu. Na irateannu tommi lanitunu buku-bukunna rupataua.’ ”

1 KARAENG-KARAENG 13:32

Anjo apa le'baka napau lanri parentaNa Batara ri anjo tampa' pakkoro'bangnganga ri Betel siagang ri sikontu tampa' passambayanganga ri kota-kota Samaria, mattantu lakajariangi.”

2 KARAENG-KARAENG 23:16

Nampa assaile Yosia, nania' nacini' siapa are jera' irate ri monconga. Jari nasuromi taua ambongkaraki anjo jeraka, siagang napasulu' buku-bukunna nampa natunu ri tampa' pakkoro'bangngang sitabanga nitunu anjo wattua. Kammami anjo batena ampanraki anjo tampa' pakkoro'bangnganga. Jari a'rupami apa le'baka natappu na'biNa Batara, ri wattunna sitabang ammenteng Karaeng Yerobeam ri ampi'na anjo tampa' pakkoro'bangnganga ri se'reang allo lompo. Le'baki anjo nia' nacini' Karaeng Yosia se're jera' maraengang.

2 KARAENG-KARAENG 23:20

Sikontu imang-imang tugasaka ri tampa'-tampa' panynyombanga ri rewataya nibuno kabusuki irate ri tampa'-tampa' pakkoro'bangngang tampa' napanjamaia ke'nanga. Siagang ri sikontu anjo tampa' pakkoro'bangnganga attunui Yosia buku-buku tau. Le'baki anjo ammotere'mi mange ri Yerusalem.

2 KARAENG-KARAENG 23:8

Sikontu imang-imang niaka ammantang ri kota-kotana Yehuda nisuro kabusuki ri Yosia battu ri Yerusalem. Nampa kemae-kemae ri sikontu pa'rasangang Yehuda, iamintu ri tampa'-tampa' le'baka napammantangngi imang-imanga assare koro'bang, napanraki kabusuki Yosia tampa'-tampa' pakkoro'bangnganga mae ri rewataya. Anjo imang-imanga tenamo nanipa'biangi ammimping sambayang lalang ri Balla'Na Batara. Mingka akkulleji ke'nanga angnganre roti tenaya nammake pa'gambang iamintu nipasadia untu' aganna ke'nanga maraenga. Sikamma tampa' pakkoro'bangngang untu' panynyombang mae ri rewataya iamintu niaka ri ampi'na Pakke'bu' Lompo Yosua, walikotana anjo pa'rasanganga, niruntung kabusuki. Anjo pakke'bu' lompoa niaki ri sa'ri kairinna Pakke'bu' Lompo Uru-urua ri oloang antamaka ri kotaya.

2 PATTOTTORANG 23:17

Le'baki anjo a'bakka ngasemmi ke'nanga mange anruntungi balla' panynyombanga ri Baal. Naancuruki ke'nanga tampa' pakkoro'bangnganga siagang patung-patunna; nampa nabuno ke'nanga Imang Baalka niarenga Matan, ri dallekanna anjo sikamma tampa'-tampa' pakkoro'bangnganga.

2 PATTOTTORANG 31:1

Le'baki nagaukang ke'nanga anjo passua'-suarranga, a'lampami sikontu ra'yaka mange ri sikontu kota Yehuda, nampa naancuru' patung-patunna barhalaya, naruntung sikontu patung-patung le'baka nibangung untu' Dewi Asyera, siagang naputta tampa'-tampa' pakkoro'bangnganga siagang tampa'-tampa' panynyombanga mae ri barhalaya. Kamma tomminjo nagaukang ke'nanga ri tampa'-tampa' maraenga ri Yehuda siagang ri daera-daera Benyamin, Efraim, siagang Manasye. Le'baki anjo massing ammotere' ngasemmi ke'nanga mange ri massing kamponna.

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.

PAMMUJI 89:38

Tuli lania'na kakaraenganna sanrapang bulang, iami sa'bi tamamminra rate ri rammanga.”

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YEREMIA 14:19

Batara, maka Kisorongboko taba sikalimi Yehuda na Kikabirisi pandudu'na Sion? Angngapa nasarring kamma pannunrunTa ri kambe sa'genna takkulleamo ammolle ammotere' ikambe? Tena matu-matunna ikambe a'boya kaamangngang, tena bua'-bua'na a'boya pammolleang, nasaba' katerassang bawang nia'.

YEREMIA 16:18

LaKubalasaki dosana siagang kaja'dallanna ke'nanga siagang hukkungang a'lappi rua, lanri narantassimi pa'rasangangKu siagang jai barhala. Anjo barhala-barhalaya tena na'nyawa, sangkammai maya'.”

YEHEZKIEL 16:39

LaKupassareangko mae ri anjo sikamma tanrinnu, nampa ke'nanga lanaruntungi sikamma tampa'nu assundala' siagang anynyomba ri barhala. Kabusu'na pakeannu siagang belo-belonu lanarampasa' ngasengi ke'nanga, sa'gennu a'jari assolara'.

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

YEHEZKIEL 6:13

Sikamma maya'-maya'na latassiaraki ri alla'-alla'na barhalaya siagang ri tammulilina tampa'-tampa' koro'banga, ta'lapara' ri tunggala' bulu' tinggia, ri coppo'na monconga, irawanganna poko'-poko' kayu copponga leko'na siagang poko'-poko' kayu lompoa; bodona kana, kemae-kemae ke'nanga attunu koro'bang untu' barhalana ke'nanga. Jari tunggala' taua lanaassengi angkanaya iNakkemi Batara.

HOSEA 10:2

Anjo sikamma tau a'jekkoa atinna, kamma-kamma anne musti natanggongi hukkunganna dosana. LaNaancuruki Allata'ala tampa' pakkoro'bangnganna ke'nanga, siagang Naruntungi patung-patung barhalana ke'nanga.

KAIMANGNGANG 20:23

Teako palembai ada'-ada' kabiasanna bansa niaka ammantang anjoreng. ErokKa' Kusa'ring ta'langnge anciniki panggaukang ja'dala'na ke'nanga. Iaminjo saba'na naKubongka ke'nanga, sollanna nanukkulle antama' ri anjo pa'rasanganga.

KAIMANGNGANG 26:11

NiakKa' lammantang ri alla'nu lalang ri KemaKu, siagang tena nalaKutollakko.

KAIMANGNGANG 26:15

punna nudakkai parjanjiang Kupareka siagang ikau kammayatompa taerokako anturuki sikamma apa le'baka Kupattantu siagang parenta-parentaKu,

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

AMOS 7:9

Tampa'-tampa' napakea jari-jarina Ishak untu' anynyomba laniancuruki. Tampa'-tampa' matangkasa'na tu Israel laniruntungi. LaKuputtai jari-jarina Yerobeam.”

PAOLE 32:19

Nacini'na gau'-gau'na ana'-ana'Na larromi Batara nampa Natolla' ke'nanga.