KAIMANGNGANG 26:22 - KITTA' MATANGKASA'

²² LaKupabattui olo'-olo' sekkeka ri tangnga-tangnganu. Anjo olo'-olo' sekkeka lanakokkoki ana'-ana'nu, lanabunoi olo'-olo' piaranu siagang lanapaccappukko, sa'gennu a'jari sike'de' dudu mamo tassesa, siagang la'jari sinoi sikamma oloanga lalang ri pa'rasangannu.

KAIMANGNGANG 26:22 ပူးပေါင်းရင်းမြစ်များ

2 KARAENG-KARAENG 17:25

Ri wattu pakaramula ammantanna ke'nanga anjoreng, tena napakalompoi Batara; lanri kammanami anjo naNapabattumo Batara siapa are jaina singa untu' angkanrei sipa'gang battu ri ke'nanga.

2 KARAENG-KARAENG 2:24

Assailemi Elisa na naciniki ke'nanga siagang nasumpai ke'nanga lanri arenNa Batara. Anjo memang wattua nia'mo ruang kayu macang gana assulu' battu lalang ri romanga nampa nakae-kae kalenna patampulo anrua tau battu ri anjo ana'-anaka.

2 PATTOTTORANG 15:5

Anjo wattua takkulleai amang taua ri lampana, lanri ri tunggala' pa'rasangang nia' ngaseng karicuang lompo.

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

YESAYA 33:8

Sikamma agang lompoa rassi bahaya, sa'genna a'jari sino; tena tau angngoloi. Tanirupaia parjanjianga siagang nitollaki passitujuanga. Tenamo nia' nijampangi.

YEREMIA 15:3

Inakke, Batara, le'ba'mi Kupattantu angkanaya nia' appa' rupanna hukkungang hebaka lakajariang mae ri ke'nanga: lamatei ke'nanga lalang pa'bundukang, maya'na ke'nanga lanire'resangi ri kongkong, nikanrei ri jangang-jangang, siagang nipaccappuki ri olo'-olo' sekke'.

YEREMIA 42:2

mae ri nakke nampa angkana, “Bapa', sangkamma kicinika kalenta, ikambe anne riolo jaiki', na kamma-kamma anne sike'de' mamaki' ammantang. Napalaki ikambe ri katte Bapa', nakiero' ampappala' doangngangi ikambe mae ri Karaeng Allata'ala kisombaya. Kipappala' doangngangi ikambe anne niaka ija tassesa ri Karaeng Allata'ala kisombaya,

PIRAUNG 1:4

Ri wattu allo-allo lompoa tenamo manna sitau battu mange ri Balla'Na Allata'ala. Sikamma tulolo pakelong niaka anjoreng ballasa'mi na sikamma imanga akkunrareng tommi. Tenamo tau ri sikontu pakke'bu' lompoa, sangnging si'na mami ri Kota Sion.

YEHEZKIEL 14:15

Nakulle kapang appabattuA' olo'-olo' sekke' untu' angkanrei pandudu'na anjo pa'rasanganga, sa'genna anjo daeraya a'jarimi daerana sannaka bahayana siagang tenamo manna sitau barani angngoloi.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 33:28

Anjo pa'rasanganga laKupa'jari parang sino, siagang anjo kakoasanna nakalompoang pa'maika ke'nanga lalanynya'mi. Sikamma buluka ri Israel la'jari sinomi, sa'genna manna sitau tania' barani angngoloi.

YEHEZKIEL 5:17

Pantaranganna bala kacipuranga, lappabattu tongA' garring, kapallakang siagang bundu', untu' ambunoi pandudu'nu, siagang olo'-olo' sekkeka untu' ambunoi ana'-ana'na ke'nanga. INakke, Batara, anne akkana.”

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

ZAKHARIA 7:14

Sanrapang anging barubu, Kubarrasaki ke'nanga sa'genna tarpassa ammantang ri sikamma pa'rasangang-pa'rasangang maraenga. Anne butta copponga a'jari sino sikalimi, tena sikali tau ammantang, siagang roso'mi buttana.”

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

HAKING-HAKING 5:6

Ri rewasa'na Samgar, ana'naya Anat, na ri rewasa'na pole Yael, tamania' tuma'dongko' jarang ri pa'rasangang tamania' tu ma'lampa ri agang malompo.