KAIMANGNGANG 26:18 - KITTA' MATANGKASA'

¹⁸ Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

KAIMANGNGANG 26:18 ပူးပေါင်းရင်းမြစ်များ

PAMMUJI 119:164

Tulusu' appala' sukkurukka' mae ri Katte, lanri hukkunTa adeleka.

KALAPPASSANG 9:14

Anne kamma lappabattuA' bala, tena namae ri sikamma pagawea siagang ra'yaka bawang, mingka ikau pole, sollanna nuasseng angkanaya tena sangkammangKu ri sikontu linoa.

PANGNGEBARANG 24:16

Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

DANIEL 3:19

Jari a'reremi larrona Karaeng Nebukadnezar mae ri Sadrakh, Mesakh siagang Abednego, sa'genna a'jari eja sikali rupanna. Naparentakammi sollanna nitambai a'lappi tuju bambanna anjo pepeka.

KAIMANGNGANG 26:21

Punna tulusu' angngewa ijako mae ri Nakke siagang taerokako mannuruki mae ri Nakke, laKutambai pole hukkungannu a'lappi tuju.

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

1 SAMUEL 2:5

Tubassoroka riolo lanri kala'bianna ri kanre-kanreang, anne kamma a'jari tungnganre gaji poro untu' anggappa kanre. Tucipuruka riolo, anne kamma sukku'mi, angganna'mi ri kanre. Tutamananga, anne kamma lompomi pa'mai'na, tujumi ana' le'ba' nalassukang! Mingka amma' jaia ana'na, nibokoi, niboli' ta'ronang-ronang.