KAIMANGNGANG 26:17 - KITTA' MATANGKASA'

¹⁷ LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

KAIMANGNGANG 26:17 ပူးပေါင်းရင်းမြစ်များ

PA'JARIANG 4:12

Punna a'lamung-lamungko latena apa-apa wassele'na; la'lampako mange-mange siagang latena pammantangannu ri lino.”

1 KARAENG-KARAENG 8:33

Punna nibeta ummatTa Israel ri musu-musunna lanri dorakana ke'nanga, nampa ammotere' ke'nanga mae ri Katte siagang napakala'birikKi' salaku Batara, nampa battu mae anrinni ri balla' passambayanganga, kammayatompa appala' doang appala' popporo' ri Katte,

2 KARAENG-KARAENG 13:3

Lanri kammana anjo larromi Batara mae ri tu Israel sa'genna nalappassang Hazael karaeng Siria siagang Benhadad ana'na, a'mole-mole ambetai tu Israel.

2 KARAENG-KARAENG 13:7

Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

PAMMUJI 44:10

Mingka kamma-kamma anne Kibokoimi ikambe siagang Kibalang parekang nibeta ikambe tenamo Kimaju siagang ikambe lalang ri barisanna ikambe.

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

PAMMUJI 53:6

Tau ja'dalaka lasanna' malla'na, natenaja apa appakamalla', saba' Napasiaraki Allata'ala buku-bukunna tau angkatulungiako; nitolla'mi ke'nanga ri Allata'ala, jari lanubetami ke'nanga.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

YESAYA 30:17

Sisa'bu tau lalari nasitauja musu ambakkai, siagang limaji tau ambakkaiko nulari ngasemmo. Battu ri sikontu pasukannu se're mami benteng bandera ammenteng rate ri coppo' bulu'.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

YEREMIA 19:7

Ri anne tampaka laKupassalasai sikontu rancanana tu Yehuda siagang pandudu'na Yerusalem. LaKubalang parekangi ke'nanga nibeta ri musu-musunna siagang nibuno lalang ri pa'bundukanga. LaKubalang parekangi maya'na ke'nanga nikanre ri jangang-jangang siagang olo'-olo' sekke'.

YEREMIA 44:11

Lanri kammana anjo, iNakke, Batara Kaminang Koasaya, Allata'alana Israel ambaliangko siagang angngancuruki sikontu Yehuda.

PIRAUNG 1:5

Pore ngasemmi musu-musunna lanri akkullena nakoasai ke'nanga. Nipa'risi ri Batara, lanri majaina dosana. Nitahammi pandudu'na, na nilaling mange ri butta pammelakkang.

PIRAUNG 2:4

Rapang musu ampabantangi panaNa Napalio-lio mae ri katte. Sikontu tau ningaia cappu' kabusu' Nabuno. Napasimbungi larroNa rapang pepe' antama' ri kota Yerusalem.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

YOSUA 7:4

Jari tallussa'buji tau a'lampa mange ambunduki anjo kotaya, mingka nitunrungi ke'nanga sa'genna ammono'boko.

HAKING-HAKING 3:14

Sampulo assagantuju taung sallona nijaja umma' Israel ri Karaeng Eglon.

HAKING-HAKING 3:8

Jari larromi Batara mae ri umma' Israel. Nibalang parekammi ke'nanga nanibeta ri Karaeng Kusyan-Risyataim battua ri pa'rasangang Mesopotamia. Sagantuju taungi anjo karaenga angkoasai ke'nanga.

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

1 SAMUEL 12:15

Mingka, punna tena numappilangngeri ri Batara, ba'lalo nubaliangi parentaNa, ma'nassa ikau ngaseng siagang karaennu laNabaliangko Batara.

1 SAMUEL 31:1

Lalanna anjo wattua tu Filistin a'bunduki siagang tu Israel ri pa'moncongang Gilboa. Jai tu Israel mate anjoreng, na maraengannaya, kammayatompa Saul siagang ana'-ana' bura'nena larimi.

1 SAMUEL 4:10

Nampa a'bundu' heba'mo tu Filistin sa'genna nabeta tantarana tu Israel. Larimi tu Israel mange ri massing kemana ke'nanga. Ma'nassa nibeta lompo tojengi tu Israel: Tallumpulomi sa'bu tantara tu Israel mate.