KAIMANGNGANG 26:16 - KITTA' MATANGKASA'

¹⁶ laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

KAIMANGNGANG 26:16 ပူးပေါင်းရင်းမြစ်များ

1 KARAENG-KARAENG 8:37

Punna natuju anne pa'rasanganga bala yareka garring, yareka panraki lamung-lamunga lanri anging bambanga, olo', yareka anango, yareka punna nibundu' ummatTa ri musua, yareka nitaba ri garring,

AYUB 18:11

Nipabangkai tau ja'dalaka ri apa appakamalla' niaka battu ri kere-keremae; sangnging malla' ampinawangi dakka-dakkana.

AYUB 20:25

Nitabai ri pana sa'genna loko'; cappa' pana accilla' antarrusuki kalenna, nanikalimbu'mo ri malla' pa'mai'na.

AYUB 31:8

lampassammi taua angkanrei apa kulamunga, siagang ancuru' ngaseng sikontu wassele' lamung-lamungku.

PAMMUJI 109:6

Kiangka'mi se'rea tau ja'dala' untu' angngadeli, boli'mi kamma nitudu ri balinna.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

PAMMUJI 78:33

Jari Napa'le'ba'mi tallasa'na ke'nanga sanrapang nappasa', cappu'mi taung-taung tallasa'na ke'nanga lalang kamallakkang.

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”

YEREMIA 15:3

Inakke, Batara, le'ba'mi Kupattantu angkanaya nia' appa' rupanna hukkungang hebaka lakajariang mae ri ke'nanga: lamatei ke'nanga lalang pa'bundukang, maya'na ke'nanga lanire'resangi ri kongkong, nikanrei ri jangang-jangang, siagang nipaccappuki ri olo'-olo' sekke'.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

YEREMIA 20:4

KalenNa Batara angkana, ‘Lanipa'jariko pabuno-buno ri kalennu tonji siagang mae ri agang-agannu tonji. Lanuciniki ke'nanga nibuno ri musunna ke'nanga. Sikontu tu Yehuda laKubalang parekangi nikoasai ri karaeng Babel; sipa'gang battu ri ke'nanga lanaengkaki salaku tunitahang mange ri Babel, nampa la'binna nibunoi.

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.

YEHEZKIEL 24:23

Tena nula'jappa nutammakea soro'bang yareka pa'lapa' bangkeng, tena nuppiraung siagang angngarru'. Pila' lata'ronangi tallasa'nu lanri dosa-dosanu; lakkunrarengko mae ri massing para ikau.

YEHEZKIEL 33:10

Nakana Batara ri nakke, “He tau, pau poleangi mae ri bansa Israel anne kananna ke'nanga, ‘Ta'ronangi tallasa'na ikambe lanri nijallakkanna ri dosana siagang kaja'dallanna ikambe. Antekamma nakkulle ikambe attallasa'?’

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

MIKHA 6:15

Lappakiorokko gandung, mingka takkulleai lanugappa wassele'na. Lapparekko minynya' battu ri rappo zaitun, mingka takkulleai nupake minynya'na. Lammaccokko je'ne' anggoro', mingka talanuinungai je'ne'na.

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

ZAKHARIA 14:12

LaNapabattui Batara garring appakamalla'-mallaka mae ri sikontu bansa le'baka a'bundu' angngewai Yerusalem. Matanna siagang lilana ke'nanga, ba'lalo sikontu batangkalenna la'jari bottoki lalang attallasa'na ija ke'nanga.

MALEAKHI 2:3

LaKuhukkungi ana'-ana'nu, siagang laKusapui rupannu siagang tai olo'-olo' nukoro'bangkanga, nampa lanire'resangko mange ri pa'gompoanna tai oloka.

PAOLE 28:51

Lanapaccappuki ke'nanga olo'-olo' piaranu siagang kattoannu. Battu ri gandung, je'ne' anggoro', minynya' zaitun, sapi, bembe, sa'genna gimbala'nu tena manna sike'de' lanabolikangko, sa'gennu mate naalle cipuru'.

PAOLE 32:25

Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.

IBRANI 10:31

Teai sipato' appakamalla'na punna tu'guru' taua antama' ri limanNa Allata'ala Mattallasaka!

HAKING-HAKING 6:11

Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

1 SAMUEL 2:33

Mingka sitau battu ri turungannu, laKulappassangi attallasa' na nalayaniA' salaku imang. Mingka la'jari butai, na tappu' panrannuang lalang tallasa'na. Sikontu turungannu maraenganga laKubuno ngasengi.