KAIMANGNGANG 26:14 - KITTA' MATANGKASA'

¹⁴ Nakana Batara, “Punna tena nupilangngeriA' siagang tena nugaukangi parentaKu,

KAIMANGNGANG 26:14 ပူးပေါင်းရင်းမြစ်များ

2 KARAENG-KARAENG 22:13

“A'lampako mange akkuta'nang ri Batara untu' inakke siagang untu' sikontu ra'ya' Yehuda ri passala'na anne kittaka. Larroi Batara mae ri katte lanri tenana nagaukangi boe-boeta parenta-parenta niaka tattulisi' lalang ri anne kittaka.”

2 PATTOTTORANG 34:24

‘LaKuhukkungi Yerusalem siagang sikontu pandudu'na; laKutunrai sangkamma niaka tattulisi' lalang ri anjo kitta' le'baka nibacakang mae ri karaenga.

2 PATTOTTORANG 7:19

Mingka punna ikau siagang ra'ya'nu nudakkai hukkung-hukkungKu siagang parenta-parentakKu, kammayatompa anynyombako mae ri rewata-rewata maraenga,

PAMMUJI 81:12

Mingka ummakKu taerokai mappilangngeri ri Nakke, taeroka Israel mannuruki ri Nakke.

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

YEREMIA 11:8

siagang Kusuroi ke'nanga mannuruki ri anjo parjanjiangKu, mingka taerokai ke'nanga mappilangngeri siagang mannuruki. Ba'lalo tuli kapala batuna siagang ja'dala'na ke'nanga sangkamma riolo. Lanri kammana anjo sikontu hukkungang niaka tattulisi' lalang ri anjo parjanjianga Kupabattumi mae ri ke'nanga.”

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 26:4

Nasuroa' Batara ampaui anne mae ri ke'nanga, “INakke, Batara, le'baki Kuparentakang mae ri kau sollanna mannurukiko mae ri Nakke siagang nupajappa hukkung-hukkung le'baka Kupassareang mae ri kau.

YEREMIA 28:8

Na'bi-na'bi rioloanganta le'ba'mi naboto angkanaya pa'bundukang, bala lompo, siagang garring labattu antujui jaia bansa siagang kakaraengang kassaka.

YEREMIA 32:23

Mingka ri wattunna battu ke'nanga mae anrinni ri pa'rasanganga siagang naempoi, tenamo namannuruki ke'nanga ri parenta-parentaTa, kammayatompa taerokai attallasa' situru' ajarang-ajaranTa. Sikontu apa Kiparentakanga mae ri ke'nanga tena manna se're nagaukang ke'nanga. Lanri kammana anjo naKipabattumo sikontu anne balaya mae ri ke'nanga.

YEREMIA 40:2

Nakioka' anjo komandang pasukanga kale-kalengku nampa nakana ri nakke, “Karaeng Allata'alanu le'ba' angngancangi laNaancuru' anne pa'rasanganga.

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

HOSEA 7:12

Mingka sampang allaloi ke'nanga, attannangA' sikko' nampa Kujakkala' ke'nanga rapang tau anjakkalaka jangang-jangang. LaKuhukkungi ke'nanga lanri sikamma kaja'dallanna ke'nanga Kuassengamo.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

LAMPA-LAMPANA 3:23

Inai-nai taeroka ampilangngeri apa-apa napaua anjo na'bia, iami lanibuang assulu' battu ri passe'reanna umma'Na Allata'ala nampa nisessa.’

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

YOSUA 23:15

Mingka sangkamma NarupainNa ngaseng janjinNa mae ri kau, kamma tomminjo mattantuna laNagaukang ngaseng tongi panggaratta'Na mae ri kau.

HAKING-HAKING 2:15

Ia namange ke'nanga a'bundu', tuli nibaliangi ke'nanga ri Batara, situru' apa le'bakamo nipappakaingakkang mae ri ke'nanga. Jari nitujumi ke'nanga ri susa lompo.

1 SAMUEL 12:15

Mingka, punna tena numappilangngeri ri Batara, ba'lalo nubaliangi parentaNa, ma'nassa ikau ngaseng siagang karaennu laNabaliangko Batara.