KAIMANGNGANG 26:10 - KITTA' MATANGKASA'

¹⁰ Lalla'bi-la'bi wassele' buttanu, sa'genna angganna' lanukanre untu' sitaung. Ba'lalo tarpassa nupasuluki la'binna taung allaloa battu ri pammolikanna sollanna nia' tampa' pammolikang untu' kattoang berua.

KAIMANGNGANG 26:10 ပူးပေါင်းရင်းမြစ်များ

2 KARAENG-KARAENG 19:29

Akkiring tongi Na'bi Yesaya pasang kammaya anne mae ri Hizkia, “Iaminne la'jari pammatei mae ri kau. Anne taunga siagang taung ri dallekanga langnganrei taua gandung attimbo kale-kalea. Mingka punna le'baki anjo akkullei taua a'lamung gandung siagang anggoro' kammayatompa nakasiaki wassele'na.

YO"EL 2:24

Jari nia'mo pole gandung lambonei panggilinganga; anggoroka siagang minynya' zaitunga lalla'bi battu ri tampa' pammaccokanga.

KAIMANGNGANG 25:22

Siagang ri wattunna nulamungi kokonnu ri taung makasagantujua, nia' ija anjo wassele' taung makaannanga untu' lanukanre. Ba'lalo kanre-kanreang nupasadiaya lagannaki sa'genna narapi' wattunna nupasse're wassele' lamung-lamunnu anjo taunga.

LUKAS 12:17

Appakkaramulami appikkiri' anjo tu kalumanynyanga nakana, ‘Tenamo tampa' lakupammoliki wassele'na tanaku. Apa akkalakku kamma-kamma anne?’

YOSUA 5:11

Ammukona, bungasa' angnganremi ke'nanga wassele'na pa'rasangang Kanaan, iamintu: roti tenaya nammake pa'gambang siagang gandung nilangga.