KAIMANGNGANG 25:9 - KITTA' MATANGKASA'

⁹ Nampa ri tanggala' sampulo bulang tuju, iamintu allo nipammopporanna dosaya, suroi taua appasa'ra tarompe' ri kere-kere mae ri sikontu pa'rasanganga.

KAIMANGNGANG 25:9 ပူးပေါင်းရင်းမြစ်များ

PAMMUJI 89:15

Dasara'na kakaraenganTa iamintu kaadelang siagang hukkung, pangngamaseanTa siagang tamamminraTa a'nyatai lalang sikontu tindakanTa.

PAMMUJI 89:16

Mate'nei bansa rannua anggaukangi ibadana, attalasaka lalang ri cayana kahaderanTa, o, Batara.

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

KAIMANGNGANG 16:20

Le'baki nagaukang upacara pannangkasia ri Kamara' Kaminang Matangkasaka siagang bageang-bageang maraenga battu ri KemaNa Batara kammayatompa tampa' pakkoro'bangnganna, musti napassareangi Harun sikayu bembe attallasaka, ia nipilea untu' Azazel.

KAIMANGNGANG 16:29

Anne paratorang-paratoranga musti nituruki sa'genna satunggu-tungguna. Ri tanggala' sampulo bulang tuju, tu Israel siagang bansa maraeng ammantang tulia ri alla'na ke'nanga musti appuasai siagang tanipa'biangai anjama, nasaba' anjo alloa iamintu allo teai sipato' matangkasa'na. Anjo alloa musti nigaukangi upacaraya untu' antangkasi bansa Israel battu ri sikontu dosana ke'nanga sollanna a'jari matangkasa'.

KAIMANGNGANG 25:8

Rekengi pintuju tattuju taung, iamintu patampulo assalapang taung jaina.

KAIMANGNGANG 27:17

Punna anjo buttaya nipassareangi appakkaramula Taung Pammoteranga, ballinna nibayara' ngasengi.

KAIMANGNGANG 27:24

Lalang ri Taung Pammoteranga, anjo kokoa musti nipoterangi mae ri uru patannaya yareka mae ri jari-jarina.

PAMMILANGNGANG 10:10

Kammayatompa ri allo-allo karannuannu, iamintu ri allo passua'-suarrang Bulang Beru siagang passua'-suarrannu maraengannaya, anjo tarompeka musti nituiki ri wattunnu assare koro'bang nitunu siagang koro'bang passiamakkang mae ri Nakke. Jari iNakke lantulung ngasengko. INakkemi Karaeng Allata'alanu.”

PAMMILANGNGANG 36:4

Punna wattu Taung Pammoterang, ri wattunna nipoterang ngaseng barang-barang le'baka nibalukang mae ri uru patannaya, anjo buttana ana'-ana' bainena Zelafehad tuli lanakammaina bura'nenna ke'nanga, sa'genna tappela'mi anjo buttana sukuna ikambe.”

ROMA 10:18

Mingka erokka' akkuta'nang: Maka tena memang tompa nalangngereki ke'nanga anjo birittaya? Mattantu le'ba'mi! Nasaba' nia' tattulisi' lalang ri Kittaka angkanaya, “Alla'bammi sa'ranna ke'nanga ri sikontu linoa, anrapi'mi kana-kananna ke'nanga mange ri cappa'na linoa!”

ROMA 15:19

kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

1 TESALONIKA 1:8

Nasaba' tassiara'mi birittaNa Allata'ala appakkaramula battu ri kau ngaseng sa'genna mange ri butta Makedonia siagang Akhaya. Ba'lalo tena nasikammaja anjo bawang; nasaba' anjo katappakkannu mae ri Allata'ala tassiara'mi ri kere-keremae, sa'genna tenamo apa-apa parallu napau ikambe.

YOSUA 6:4

Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.