KAIMANGNGANG 25:55 - KITTA' MATANGKASA'

⁵⁵ Se'rea tu Israel takkulleai a'jari ata situlina lalang tallasa'na, nasaba' anjo bansa Israel atanNa ngasengi Batara. Batara angngerangi ke'nanga assulu' battu ri butta Mesir. Iami Batara, Allata'alana ke'nanga.

KAIMANGNGANG 25:55 ပူးပေါင်းရင်းမြစ်များ

PAMMUJI 116:16

Inakke anne atanTa, o, Batara, sanrapang ammakku, anynyomba tonga' mae ri Katte Kilappassamma' battu ri tahananga.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

KAIMANGNGANG 25:42

Anjo tu Israel, iami ata-atanNa Batara; Iami angngerangi ke'nanga assulu' battu ri butta Mesir, na lanri kammana anjo takkulleai ke'nanga nibalukang salaku ata.

KAIMANGNGANG 25:54

Punna takkulleai nipasulu' anjo taua lalang kalase'renna anjo caraya, ia siagang sikamma ana'na musti nipakabebasaki lalang Taung Pammoterang labattua.

KAIMANGNGANG 26:1

Nakana Batara, “Teako appareki barhala yareka teako appaentengi patung yareka benteng batu niukirika untu' nusomba. INakkemi Karaeng Allata'alanu.

ROMA 6:14

Takkullea mako nikoasai ri dosaya, nasaba' tenamo nurawanganna hukkung-hukkung agama Yahudia attallasa', passangalinna irawanganna mako pangngamaseanNa Allata'ala.

ROMA 6:22

Mingka kamma-kamma anne nilappassang mako battu ri dosa-dosaya, siagang a'jari mako atanNa Allata'ala. Naia passawallang nugappaya iamintu angkanaya nupassareammi tallasa'nu mae ri Allata'ala, siagang iaminjo langngerang wassele' katallassang sitojennaya siagang katallassang satunggu-tunggua.

1 KORINTUS 9:19

Inakke anne tena manna sitau ampare' ata'; inakke tau bebasakka'. Mingka manna nakamma, kupa'jari atami kalengku mae ri tau jaia. Naiaji kuappakamma anjo sollanna pila' jai tau akkulle kuerang mae ri Almasi.

1 KORINTUS 9:21

Kupa'jari kalengku sanrapang teaia' tu Yahudi, tenaya natarimai hukkung napabattua Musa. Mingka tena nakutamannurukia ri hukkung-hukkunNa Almasi. Iaji kuappakamma anjo sollanna akkulle kuerang tau kammaya ngaseng anjo mae ri Almasi.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.