KAIMANGNGANG 25:47 - KITTA' MATANGKASA'

⁴⁷ Punna nia' tau bansa maraeng ammantanga ri tangnga-tangnganu, a'jari kalumanynyang, nampa nia' julu bansanu tu Israel tu'guru' kasi-asi sa'genna nabalukang kalenna a'jari ata mae ri anjo bansa maraenga yareka mae ri kaluargana

KAIMANGNGANG 25:47 ပူးပေါင်းရင်းမြစ်များ

NEHEMIA 5:8

Kukanamo ri ke'nanga, “Nipikulle-kulleimi nakkulle nipasulu' sikamma sari'battanta tu Yahudi ia tarpassaya ambalukangi kalenna mae ri bansa maraenga. Mingka angngapa nakamma-kamma anne ikau ngaseng ba'lalo ampassai ke'nanga ambalukangi kalenna mae ri kau ngaseng, na ikau tu Yahudi ngaseng tonjako!” Tappialiami anjo sikamma pamimpinga manna sibuku kana.

KAIMANGNGANG 25:25

Punna nia' tu Israel tu'guru' kasi-asi sa'genna tarpassa nabalukang tampa'na, bija pammanakanna kaminang a'reppeseka musti ampasuluki anjo tampaka.

KAIMANGNGANG 25:26

Punna tena tau ampasuluki, mingka ri allo ri boko a'jari nia' pakkullena siagang anggannaki doe'na untu' ampasuluki anjo tampaka,

KAIMANGNGANG 25:46

siagang akkulle tongi nupa'jari warisi' mae ri sikamma ana'nu untu' a'jari atanna ke'nanga lalang sikontu tallasa'na. Mingka sangkammannu tu Israel takkulleai nukasarri.

KAIMANGNGANG 25:48

anjo tu Israelka tuli nia'na ha'na nipasulu'. Kalase'renna sari'battanna bura'nea,

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.