KAIMANGNGANG 25:43 - KITTA' MATANGKASA'

⁴³ Jari tu Israel ambalukangai kalenna mae ri kau takkulleako a'gau' kasara' mae ri ia. Paralluko malla' mae ri Allata'alanu.

KAIMANGNGANG 25:43 ပူးပေါင်းရင်းမြစ်များ

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.

2 PATTOTTORANG 28:10

Na kamma-kamma anne eroki nupa'jari atannu anjo tu Yerusalem siagang tu Yehuda. Tenaka nuassengi angkanaya ikau doraka ngaseng tommako mae ri Karaeng Allata'alanu?

AYUB 31:13

Ri wattuna akkunrareng atangku lanri kupassala-salang ha'na, kupilangngeri kunrarenna, na kubajiki gaukku mae ri ia.

AYUB 31:14

Punna tena, antekamma bateku musti andallekang ri Allata'alaku? Apa pialingku punna battu sallang angngadelia'?

KALAPPASSANG 1:17

Mingka anjo ruaya sanro pamana', tau malla' ngaseng mae ri Allata'ala. Taerokai ke'nanga anggaukangi anjo apa naparentakanga karaenga; nalappassanji attallasa' sikamma ana' lolo bura'nea.

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

KALAPPASSANG 3:9

Kulangngere'mi karru'na bansa Israel, siagang Kucini' tommi antekamma batena nijallakkang ri bansa Mesir.

KALAPPASSANG 5:14

Anjo sikamma mandoro' tu Israel nisuroa anjagai anjo jama-jamanga niba'jimi ri sikamma pajagaya. Akkuta'nangi ke'nanga angkana, “Angngapa natenamo nasangkamma jaina riolo anjo batu bata napareka bansanu?”

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YESAYA 58:3

Akkuta'nangi anjo bansaya angkana, “Apa matu-matunta taua appuasa punna tena Naciniki Batara? Apa matu-matunta nipakatuna kalenta punna tena Naparhatikangki'?” Nakanamo Batara, “Sikontutojenna, lalang appuasanu, nuboyami kaparalluang kalennu na nupacco' sikamma tungnganre gajinu.

YEHEZKIEL 34:4

Gimbala'nu dodonga tena nuparakai, ia garringa tena nuballei, ia bokkaka tena nurokoki loko'na, ia sala oloanga siagang tappelaka tena nuboyai nampa nuerang ammotere'. Ba'lalo sikamma anjo gimbalaka nukapallakki.

KAIMANGNGANG 25:17

Teako annipui mae ri parannu tu Israel, mingka paralluko malla' mae ri Batara, Allata'alanu.

KAIMANGNGANG 25:42

Anjo tu Israel, iami ata-atanNa Batara; Iami angngerangi ke'nanga assulu' battu ri butta Mesir, na lanri kammana anjo takkulleai ke'nanga nibalukang salaku ata.

KAIMANGNGANG 25:44

Punna paralluko ri ata, akkulleko ammalli battu ri bansa-bansa maraeng niaka ammantang ri tammulilinu.

KAIMANGNGANG 25:46

siagang akkulle tongi nupa'jari warisi' mae ri sikamma ana'nu untu' a'jari atanna ke'nanga lalang sikontu tallasa'na. Mingka sangkammannu tu Israel takkulleai nukasarri.

KAIMANGNGANG 25:53

sanrapang angkanaya nisaremi gaji attaung. Anjo karaenna takkulleai a'gau' kasara' mae ri ia.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

EFESUS 6:9

Ikau a'jari pinggawaya! Paralluko assipa' kamma todong anjo mae ri pajama-jamanu. Tea' mako pakei sipa'-sipa' a'garattaka siagang appakamallaka. U'rangi angkanaya ikau siagang anjo pajama-jamanu, nia' se're pinggawa nupa'jului, iamintu Batara ri suruga. Anjo Batara tena nammile tau.

PAOLE 25:18

Tena namalla' ke'nanga mae ri Allata'ala, siagang nabundukiko battu ri boko, ri wattunnu sitabang mangngang siagang tenamo kagassingannu, nampa nabuno sikamma taunnu sannaka susana a'jappa ri boko.

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.