KAIMANGNGANG 25:42 - KITTA' MATANGKASA'

⁴² Anjo tu Israel, iami ata-atanNa Batara; Iami angngerangi ke'nanga assulu' battu ri butta Mesir, na lanri kammana anjo takkulleai ke'nanga nibalukang salaku ata.

KAIMANGNGANG 25:42 ပူးပေါင်းရင်းမြစ်များ

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KAIMANGNGANG 25:41

Anjo wattua ia siagang sikamma ana'na akkullei nabokoi balla'nu nampa ammotere' mange ri kaluargana siagang ri pa'rasangang boe-boena.

KAIMANGNGANG 25:43

Jari tu Israel ambalukangai kalenna mae ri kau takkulleako a'gau' kasara' mae ri ia. Paralluko malla' mae ri Allata'alanu.

KAIMANGNGANG 25:55

Se'rea tu Israel takkulleai a'jari ata situlina lalang tallasa'na, nasaba' anjo bansa Israel atanNa ngasengi Batara. Batara angngerangi ke'nanga assulu' battu ri butta Mesir. Iami Batara, Allata'alana ke'nanga.

KAIMANGNGANG 26:13

INakke, Karaeng Allata'alanu, angngerangko assulu' battu ri butta Mesir sollanna tenamo nu'jari ata. Le'ba'mi Kutepoki kakoasang anjallakkangako, siagang Kupa'jari mako tau maradeka.”

ROMA 6:22

Mingka kamma-kamma anne nilappassang mako battu ri dosa-dosaya, siagang a'jari mako atanNa Allata'ala. Naia passawallang nugappaya iamintu angkanaya nupassareammi tallasa'nu mae ri Allata'ala, siagang iaminjo langngerang wassele' katallassang sitojennaya siagang katallassang satunggu-tunggua.

PAOLE 15:13

Anjo ata bebasakamo, takkulleai a'lampa nampa tanusarea apa-apa.