KAIMANGNGANG 25:41 - KITTA' MATANGKASA'

⁴¹ Anjo wattua ia siagang sikamma ana'na akkullei nabokoi balla'nu nampa ammotere' mange ri kaluargana siagang ri pa'rasangang boe-boena.

KAIMANGNGANG 25:41 ပူးပေါင်းရင်းမြစ်များ

KALAPPASSANG 21:3

Ebara' angkana tenapa na'bunting ri wattunna a'jari ata mae ri kau, anjo bainenna takkulleai amminawang punna assuluki. Mingka ebara' angkana a'bunting memammi ri wattunna a'jari ata mae ri kau, anjo bainenna akkullei amminawang siagang ia.

KAIMANGNGANG 25:10

Musti nusa'laki anjo taung makalimampuloa, siagang nupa'la'bang kabebasanga mae ri sikontu pandudu'na pa'rasanganga. Lalanna anjo taunga sikontu barang-barang le'baka nibalukang musti nipoterangi mae ri uru patannaya yareka mae ri jari-jarina. Inai-nai nibalukang salaku ata musti nipoterangi mae ri kaluargana.

KAIMANGNGANG 25:28

Mingka punna tena pakkullena ampasuluki tampa'na, anjo tau amballiai tuli koasai ri anjo tampaka sa'genna Taung Pammoterang labattua. Lalang anjo taunga, anjo tampaka musti nipoterangi mae ri uru patannaya riolo.

KAIMANGNGANG 25:40

Anjo taua musti ammantangi ri kau salaku tungnganre gaji siagang anjamai mae ri kau sa'genna narapi' Taung Pammoteranga.

KAIMANGNGANG 25:42

Anjo tu Israel, iami ata-atanNa Batara; Iami angngerangi ke'nanga assulu' battu ri butta Mesir, na lanri kammana anjo takkulleai ke'nanga nibalukang salaku ata.

YOHANES 8:32

lanuassemmi Allata'ala tojenga, siagang lanri kammana minjo nula'jari maradeka.”

ROMA 6:14

Takkullea mako nikoasai ri dosaya, nasaba' tenamo nurawanganna hukkung-hukkung agama Yahudia attallasa', passangalinna irawanganna mako pangngamaseanNa Allata'ala.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.