KAIMANGNGANG 25:38 - KITTA' MATANGKASA'

³⁸ Iaminjo parentaNa Karaeng Allata'alanu le'baka angngerangko assulu' battu ri butta Mesir untu' ampassareangi pa'rasangang Kanaan mae ri kau, sollanna Ia a'jari Allata'alanu.

KAIMANGNGANG 25:38 ပူးပေါင်းရင်းမြစ်များ

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

YEREMIA 31:1

Nakana Batara, “Lanarapi sallang wattunna naKua'jari Allata'ala mae ri sikontu suku Israel, siagang ke'nanga a'jari ummakKu.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

YEREMIA 32:38

La'jari ke'nanga ummakKu, siagang iNakke la'jari Allata'alana ke'nanga.

KAIMANGNGANG 11:45

INakkemi Batara angngerangko assulu' battu ri butta Mesir, sollangKu akkulle a'jari Allata'alanu. Musti matangkasakko, lanri iNakke matangkasakKa'.

PAMMILANGNGANG 15:41

INakkemi Karaeng Allata'alanu; iNakke angngerangko assulu' battu ri butta Mesir sollanna iNakke a'jari Allata'alanu. INakkemi Batara.”

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.