KAIMANGNGANG 25:22 - KITTA' MATANGKASA'

²² Siagang ri wattunna nulamungi kokonnu ri taung makasagantujua, nia' ija anjo wassele' taung makaannanga untu' lanukanre. Ba'lalo kanre-kanreang nupasadiaya lagannaki sa'genna narapi' wattunna nupasse're wassele' lamung-lamunnu anjo taunga.

KAIMANGNGANG 25:22 ပူးပေါင်းရင်းမြစ်များ

2 KARAENG-KARAENG 19:29

Akkiring tongi Na'bi Yesaya pasang kammaya anne mae ri Hizkia, “Iaminne la'jari pammatei mae ri kau. Anne taunga siagang taung ri dallekanga langnganrei taua gandung attimbo kale-kalea. Mingka punna le'baki anjo akkullei taua a'lamung gandung siagang anggoro' kammayatompa nakasiaki wassele'na.

KALAPPASSANG 16:5

Ri maka annanna alloa musti appasse'rei ke'nanga kanre a'lappi rua jaina.”

YESAYA 37:30

Nakiring tongi Yesaya mange ri Hizkia anne pasang angkanaya, “Iaminne la'jari pammatei mae ri kau. Anne taunga siagang taung ri dallekang, langnganrei taua gandung attimboa kalenna. Mingka punna le'baki anjo, akkullei ke'nanga a'lamung gandung siagang anggoro', nampa nakasia' wassele'na.

KAIMANGNGANG 25:23

Takkulleai nubalukang tampa'nu untu' situlina, nasaba' anjo tampaka teai ikau pata, passangalinna Allata'ala pata. Ikau poro sanrapang jako tau battu-battu, nisarea ising untu' ampakei anjo tampaka.

KAIMANGNGANG 26:10

Lalla'bi-la'bi wassele' buttanu, sa'genna angganna' lanukanre untu' sitaung. Ba'lalo tarpassa nupasuluki la'binna taung allaloa battu ri pammolikanna sollanna nia' tampa' pammolikang untu' kattoang berua.