KAIMANGNGANG 25:21 - KITTA' MATANGKASA'

²¹ Lalang ri taung makaannanga laNabarakkaki Batara buttaya sa'genna angganna' wassele'na untu' tallun taung.

KAIMANGNGANG 25:21 ပူးပေါင်းရင်းမြစ်များ

PA'JARIANG 26:12

Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.

PA'JARIANG 41:47

Lalang wattu tuju taung ri wattu kala'bianna taua ri kanre-kanreang, alla'bi-la'bimi wassele' buttaya nagappaya taua.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

KALAPPASSANG 16:29

U'rangi angkanaya Kusareko wattu siallo untu' ammari-mari. Iaminjo saba'na naKusareko kanre anggannaka untu' ruangallo ri makaannanna alloa. Ri makatujuna alloa yangasenna taua musti ammantangi ri balla', takkulleai assulu'.”

KALAPPASSANG 16:5

Ri maka annanna alloa musti appasse'rei ke'nanga kanre a'lappi rua jaina.”

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

YEHEZKIEL 34:26

LaKubarakkaki ke'nanga siagang Kupa'biangi ammantang ke'nanga ri tammulilina bulu' matangkasakKu. LaKusarei ke'nanga bosi punna parallui.

KAIMANGNGANG 25:4

Mingka ri tunggala' taung makatujua musti nisa'laki untu' Batara. Jari lalang ri anjo taunga anjo buttaya niboliki siagang takkulleai nijama. Teako lamungi sikamma kokonnu siagang teako parakai sikamma poko' anggoro'nu.

KAIMANGNGANG 25:6

Mingka manna nakamma, anjo buttaya lanasare jako wassele' untu' a'jari kanrenu, kanrena sikamma atannu, tungnganre gajinu, siagang bansa maraeng ammantanga siagang ikau.

2 KORINTUS 9:10

Allata'ala ampasadiai bine napakioroka taua siagang kanre niparalluia. Ia tommi ampasadiai siagang ampa'jari jai anjo bine le'baka nupakioro', sa'genna katambang todong wassele'na anjo apa le'baka nupa'lammorang.

PAOLE 28:3

Nibarakkaki kota-kotanu siagang koko-kokonnu.

PAOLE 28:8

LaNabarakkaki Karaeng Allata'alanu usahanu siagang laNabonei sikamma pammolikannu siagang gandung. LaNabarakkakiko ri pa'rasangang Napassareanga mae ri kau.