KAIMANGNGANG 25:19 - KITTA' MATANGKASA'

¹⁹ LaNasareko wassele' buttana anjo pa'rasanganga sa'genna angganna' kanrenu siagang salewangangko ammantang anjoreng.

KAIMANGNGANG 25:19 ပူးပေါင်းရင်းမြစ်များ

1 KARAENG-KARAENG 5:5

Le'ba'mi a'janji Batara mae ri manggeku Daud angkana, ‘Ana' bura'nenu laKuangkaka' a'jari karaeng ansambeangko, iami lambangung tampa' passambayangang mae ri Nakke.’ Lanri kammana anjo, Karaeng Hiram mala'birika, inakke Salomo, le'ba'mi kutappuki untu' ambangungi anjo bangunanga.

PAMMUJI 67:6

Poro mammuji bansa-bansaya mae ri Katte, o, Allata'ala, poro appala' sukkuru' ngasengi sikontu bansaya mae ri Katte.

PAMMUJI 85:12

Lattimboi battu ri butta nyawa tamamminrana rupataua, lattoaki kaadelanNa Allata'ala battu ri langi'.

PANGNGEBARANG 1:33

Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.

YESAYA 30:23

Punna appakiorokko bine, laNapaturungi Batara bosia sollanna attimbo anjo binea siagang angngerang wassele' kattoang alla'bi-la'bia. Untu' olo'-olo' piaranu lasadiai parang ruku' luaraka.

YEHEZKIEL 36:30

Lapila' Kupakacoppongi poko' rappo-rappoannu siagang wassele' koko-kokonnu, sa'genna tenamo nalanukasia' jammang kacipuranga, anra'massiai arennu ri tangnga-tangngana bansa-bansaya.

YO"EL 2:24

Jari nia'mo pole gandung lambonei panggilinganga; anggoroka siagang minynya' zaitunga lalla'bi battu ri tampa' pammaccokanga.

YO"EL 2:26

Lagannakko ri kanre-kanreang siagang labassoroki nusa'ring. Lanupakala'biriki Karaeng Allata'alanu, nasaba' Nagaukangi mae ri kau jai gau' malompo. UmmakKu tenamo nalanicau-cau!

KAIMANGNGANG 25:18

Turuki sikontu hukkunNa siagang parentaNa Batara, sollanna amang tallasa'nu lalang ri anjo pa'rasanganga.

KAIMANGNGANG 25:20

Mingka gassingka nia' akkuta'nang angkanaya apa lanikanre lalanna anjo taung makatujua, ri wattu tenana nilamungi buttaya siagang tenana nanipasse'rei wassele'na.

KAIMANGNGANG 26:4

lappaturungA' bosi punna narapi' wattunna, sa'genna angngerang wassele' buttaya siagang a'rappo poko' kayu rappo-rappoanga.

KAIMANGNGANG 26:5

Lalla'bi-la'bi wassele'na buttanu, sa'genna akkatto ijako gandung, nanarapi'mo sedeng wattu pangngalleanna rappo anggoroka. Siagang punna narapi'mo wattunnu la'lamung gandung, tenapa nule'ba' angngalle ngasengi rappo anggoro'nu. Lagannaki kanre-kanreannu siagang lasalewangangi tallasa'nu lalang ri pa'rasangannu.

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

PAOLE 12:10

Punna le'ba' mako a'limbang ri Binanga Yordan, laNatulungko Karaeng Allata'alanu untu' ampantamakki siagang ampammantangngi anjo butta niaka ri ba'leanna anjo binangaya. LaNajagaiko battu ri sikontu musua, siagang laamangko siagang salewangangko lalang tallasa'nu.