KAIMANGNGANG 24:9 - KITTA' MATANGKASA'

⁹ Anjo rotia iami untu' bageanna Harun siagang jari-jarina. Musti nakanrei ke'nanga ri tampa' matangkasaka, nasaba' anjo rotia iamintu bageang sannaka tangkasa'na battu ri koro'bang nipassareanga mae ri Batara untu' sikamma imanga.

KAIMANGNGANG 24:9 ပူးပေါင်းရင်းမြစ်များ

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KAIMANGNGANG 10:12

Nakana Musa ri Harun siagang ruaya ana'na, iamintu Eleazar siagang Itamar, “Allei la'binna gandung kanre nipassareanga mae ri Batara. Battu ri anjo labuka apparekko roti tenaya nammake pa'gambang, nampa nukanre ri sa'rinna tampa' pakkoro'bangnganga, lanri anjo koro'banga teai sipato' tangkasa'na.

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

KAIMANGNGANG 21:22

Mingka akkullei nakanre kanre nipassareanga, baji' koro'bang kanre-kanreang matangkasaka kammayatompa koro'bang kanre-kanreang sannaka matangkasa'na.

KAIMANGNGANG 24:10

Ri pakkemaanna tu Israel nia' se're bura'ne. Manggena anjo taua iamintu tu Mesir nampa amma'na iamintu tu Israel niarenga Selomit, ana'na Dibri battu ri suku Dan. Ri se'reang allo a'besereki anjo taua siagang sitau tu Israel ri pakkemaanga. Ri wattunna a'besere', natunrai Allata'ala. Lanri kammana anjo nierammi anjo taua ri tu Israel mange andallekang ri Musa,

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

KAIMANGNGANG 6:11

Le'baki anjo musti nasambei pakeanna nampa naerang anjo aua assulu' battu ri kemaya, mae ri tampa' le'bakamo nipattantu untu' anjo.

KAIMANGNGANG 6:16

La'binna anjo labuka musti nipareki roti tenaya nammake pa'gambang siagang nakanrei sikamma imanga ri tampa' le'baka nipattantu untu' anjo, iamintu ri paranglakkenna KemaNa Batara. Iaminjo bageanna sikamma imanga ia Napassareanga Batara mae ri ke'nanga battu ri koro'bang nipatalaya. Anjo kanrea teai sipato' tangkasa'na, sangkamma koro'bang nipammopporanna dosaya siagang koro'bang passambe karugiang.

KAIMANGNGANG 6:9

ampassareangi mae ri Harun siagang ana'-ana'na anne paratorang-paratoranga ri passala'na yangaseng koro'bang nitunua. Imanga musti napadongkoki koro'bang nitunua irate ri tampa' koro'banga siagang naboli' sipattang, na musti tuli a'rinrai pepe'na.

KAIMANGNGANG 8:3

Nampa suroi sikontu umma' Israel a'rappungang ri dallekanna pakke'bu' KemaKu.”

KAIMANGNGANG 8:31

Nampa nakanamo Musa mae ri Harun siagang sikamma ana'na, “Pallui anjo dageng koro'banga ri dallekang pakke'bu' KemaNa Batara. Situru' parentaNa Batara, musti nukanrei anjoreng siagang roti koro'bang pallantikang niaka lalang ri bakuka.

MALEAKHI 1:12

Mingka ikau ngaseng nuhina-hinA' lanri nubilang tenana anggaranna tampa' pakkoro'bangngangKu, siagang nupassareangi anjoreng kanre nusorong bokoa.

MATIUS 12:4

Antamaki ri Balla'Na Allata'ala, nanakanre roti le'baka nipassareang ri dallekanNa Allata'ala. Padahala', manuru' ri pangatorang agamata takkulleai ke'nanga angkanrei anjo rotia – nasaba' imang-imangaji bawang akkulle angkanrei.

LUKAS 6:4

Antamaki ri Balla'Na Batara angngallei roti le'bakamo nipassareang mae ri Allata'ala, nampa nakanre. Nampa napassareang todong anjo rotia mae ri ana'-ana'na. Na sikontutojenna, situru' atorang agamata, imang-imangaji bawang akkulle angkanrei anjo rotia.”

1 SAMUEL 21:6

Jari napassareammi anjo imanga mae ri Daud anjo roti nipakkoro'bangnganga. Nasaba' ia niaka ri ia poro iaji bawang anjo roti nipakkoro'bangnganga mae ri Allata'ala, siagang le'ba'mi niangka' battu ri tampa' pakkoro'bangnganga untu' nisambei roti beru. (