KAIMANGNGANG 24:8 - KITTA' MATANGKASA'

⁸ Ri tunggala' allo Pammari-marianga musti nia' roti nipatala lalang ri KemaNa Batara. Iaminjo kawajibanna bansa Israel sa'genna satunggu-tungguna.

KAIMANGNGANG 24:8 ပူးပေါင်းရင်းမြစ်များ

1 PATTOTTORANG 23:29

Kammayatompa tanggong jawa' tongi ke'nanga ri jamang-jamang kammaya: roti eroka nipa'jari passare mae ri Allata'ala, labu' eroka nipake untu' passare ri Batara, kanre nipisi' tenaya nammake pa'gambang, koro'bang nitunu, siagang labu' nileoka siagang minynya' zaitun. Musti naukkuru' tongi siagang natimbangi sikamma apa eroka a'jari passare lanieranga mange ri Balla'Na Batara.

1 PATTOTTORANG 9:32

Tu battua ri bijanna Kehat, iami tanggong jawa' untu' ampasadiai roti lanipatalaya untu' Batara punna allo Pammari-mariang.

2 PATTOTTORANG 13:11

Tunggala' bari'basa' siagang karueng attunui ke'nanga dupa siagang assarei koro'bang nitunu untu' Batara, kammayatompa appasadiai roti nipatala. Tunggala' bangngi ke'nanga apparinra kanjoli-kanjoli ri pa'dongkokang kanjoli bulaenga. Ikatte tuli mannurukiki' ri parenta-parentaNa Batara, mingka ikau ngaseng nubokoimi Batara.

2 PATTOTTORANG 2:4

Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

NEHEMIA 10:33

Lanapasadiai ikambe sikamma kaparalluanga untu' panynyombang ri Balla'Na Batara ri Yerusalem, iamintu: roti lanipatalaya, gandung passare allo-alloa, olo'-olo' untu' koro'bang nitunu allo-alloa, passare matangkasa' maraengannaya, koro'bang-koro'bang untu' nipammopporanna dosa Israel, siagang sikontu apa niparluanga untu' Balla'Na Batara ri Yerusalem.

KALAPPASSANG 25:30

Anjo mejanga musti niboliki ri dallekanna Patti Parjanjianga, siagang musti tuli nia' sadia roti tattala irate ri anjo mejanga.”

PAMMILANGNGANG 4:7

Musti appalaparaki ke'nanga silawara' kaeng gau' irateanganna mejang tampa' roti nipatalaya untu' Batara, siagang irate ri anjo mejanga musti appadongkoki panne, kappara' tampa' dupa, kappara' tampa' passare, siagang bongki untu' passare je'ne' anggoro'. Musti tuli nia' roti nipatala irate ri anjo mejanga.

1 SAMUEL 21:7

Kabutulangi, Doëg tu Edom, kapala pakalawakinna olo'-olo'na Saul, nia' tongi anjoreng anjo alloa, untu' ampapolei se'reang kawajibang agamana.)