KAIMANGNGANG 24:4 - KITTA' MATANGKASA'

⁴ Harun musti naurusuki lampu-lampua ri bangkeng lampu bulaeng ti'noka sollanna tuli a'rinra lalang ri KemaNa Batara.

KAIMANGNGANG 24:4 ပူးပေါင်းရင်းမြစ်များ

1 PATTOTTORANG 28:15

untu' sikamma suloa siagang bangkeng suloa,

2 PATTOTTORANG 29:7

Natongkoki ke'nanga sikamma pakke'bu'na Balla'Na Batara nampa nabuno kanjoli-kanjolina. Tena nattunu dupa ke'nanga ri Balla'Na Batara, siagang tena nassare koro'bang nitunu mae ri Allata'ala nasombaya tu Israel.

KALAPPASSANG 31:8

iamintu mejanga siagang pakkakasa'na, bangkeng lampu nipareka battu ri bulaeng ti'no' siagang pakkakasa'na tampa' pattunuang dupaya,

KALAPPASSANG 39:37

bangkeng lampu battu ri bulaeng ti'no', lampu-lampuna siagang sikamma pakkakasa'na, minynya' untu' lampu,

YEREMIA 52:19

Barang-barang bulaeng siagang pera', kammayami mangko'-mangko' ca'dia siagang tampa' bara pepe', mangko'-mangko' untu' tampa'na cera' olo'-olo' nisamballea untu' koro'bang, tampa' au, bangkeng kanjoli, mangko'-mangko' untu' dupa, siagang mangko'-mangko' untu' pappatirikang passare je'ne' anggoro', kabusu'na naallei kalenna Nebuzaradan.

KAIMANGNGANG 24:3

Harun musti naatoroki anjo lampu-lampua battu ri karueng sa'genna bari'basa' ri tampa' kahaderanNa Batara, ri pantaranna gordeng antongkokai Patti Parjanjianga ri Kamara' Kaminang Matangkasaka. Anjo parentaya musti nigaukangi sa'genna satunggu-tungguna.

PAMMILANGNGANG 3:31

Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.

PAMMILANGNGANG 4:9

Musti angngallei ke'nanga silawara' kaeng gau' nampa natongko' bangkeng lampua siagang sikamma lampunna, pakkakasa' pannangkassinna sumbuna lampua siagang pa'dongkokanna, kammayatompa sikontu tampa' minynya' zaitunga.

PAMMILANGNGANG 8:2

“Pauangi Harun angkanaya punna napataba anjo tujua lampu mae ri anjo bangkeng lampua, musti napataba bajiki sollanna akkulle nasingari bageang dallekanna anjo lampua.”

IBRANI 9:2

Se're pammantangang nipaenteng niarenga Kamara' Matangkasa' bageang ri dallekanna. Anjoreng nia' bangkeng pa'dongkokang kanjoli, siagang niaka mejang pammantangang roti lanipangngadakkanga mae ri Allata'ala.

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

PAPPICINI' 11:4

Anjo ruaya sa'bi iamintu rua poko' zaitun siagang rua bangkeng lampu niaka ri dallekanNa Batarana sikontu linoa.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.