KAIMANGNGANG 24:22 - KITTA' MATANGKASA'

²² Anjo hukkunga tappakei untu' ikau ngaseng, kammayatompa mae ri bansa maraeng niaka ammantang tuli ri alla'nu ngaseng, lanri iNakkemi Batara, Allata'alanu.”

KAIMANGNGANG 24:22 ပူးပေါင်းရင်းမြစ်များ

KALAPPASSANG 12:49

Anne paratorang kammaya, nataba tongi tu Israel sitojennaya kammayatompa sikamma bansa maraeng niaka ammantang tuli ri tangnga-tangnganu.”

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

KAIMANGNGANG 24:23

Le'baki napabattu Musa sikamma anjo kana-kanaya mae ri bansa Israel, naerammi ke'nanga anjo tau le'baka antunrai Allata'ala assulukang ri pantaranganna pakkemaanga nampa nisambila siagang batu sa'genna mate. Kammaminjo carana tu Israel anggaukangi apa le'baka Naparentakang Batara mae ri Musa.

PAMMILANGNGANG 15:29

Anne paratoranga tappake tongi mae ri nai-nai tau anggaukangai dosaya siagang tena nakunjungi, baji' tu Israel kammayatompa bansa maraeng ammantang tulia ri alla'na ke'nanga.

PAMMILANGNGANG 9:14

Punna nia' ri alla'nu bansa maraeng ero' ampakalompoi allo Paskaya, musti napakalompoi situru' sikontu paratoranga siagang katantuanga. Anne hukkunga musti napakei tunggala' taua, baji' tu Israel kammayatompa bansa maraenga.”

PAOLE 1:16

Anjo wattua kusarei ke'nanga tugasa' kamma anne: Parhatikangi passisala-salang niaka ammumba ri tangnga-tangngana bansanu. Sarei ke'nanga kaputusang adele', baji ri kara-kara niaka ri tau julu bansanu kammayatompa niaka ri bansa maraeng ammantanga ri alla'nu.