KAIMANGNGANG 24:20 - KITTA' MATANGKASA'

²⁰ Punna annepoki buku, musti nitepo' tongi bukunna. Punna napa'jari buta siali paranna tau, musti nipa'jari buta siali tongi anjo taua. Punna natunrungi paranna tau sa'genna runtung giginna, musti niparuntung tongi giginna anjo taua. Apa-apa mamo nagaukang sa'genna a'jari caca' paranna tau, anjo panggaukang kammaya musti nigaukang tongi mae ri anjo taua salaku pambalasang.

KAIMANGNGANG 24:20 ပူးပေါင်းရင်းမြစ်များ

KAIMANGNGANG 24:19

Punna nia' tau ampanraki paranna tau, manna pole apa anjo nagaukanga, anjo apa nagaukanga musti nigaukang tongi mae ri anjo taua.

MATIUS 5:38

“Nuasseng ngaseng tommi angkanaya nia' pangngajarang kammaya anne: mata nisambei mata; gigi nisambei gigi.

PAOLE 19:21

Teako mangngamaseangngi lalang ri parkara-parkara kammaya anjo. Ia hukkunganna iamintu: Nyawa nisambei nyawa, mata nisambei mata, gigi nisambei gigi, lima nisambei lima, siagang bangkeng nisambei bangkeng.”

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.