KAIMANGNGANG 24:2 - KITTA' MATANGKASA'

² ampassareangi anne parenta-parentaya mae ri bansa Israel: angngerangko minynya' zaitun tenaya bengkoranna siagang kaminang bajika untu' lampu lalanga ri KemaNa Batara, sollanna akkulle niparinra, nampa a'rinra turus.

KAIMANGNGANG 24:2 ပူးပေါင်းရင်းမြစ်များ

2 PATTOTTORANG 13:11

Tunggala' bari'basa' siagang karueng attunui ke'nanga dupa siagang assarei koro'bang nitunu untu' Batara, kammayatompa appasadiai roti nipatala. Tunggala' bangngi ke'nanga apparinra kanjoli-kanjoli ri pa'dongkokang kanjoli bulaenga. Ikatte tuli mannurukiki' ri parenta-parentaNa Batara, mingka ikau ngaseng nubokoimi Batara.

PAMMUJI 119:105

Kana-kananTa sanrapangi sulo ri jappaku, cahaya untu' ansingari oloangku.

PAMMUJI 119:130

Punna nipakasingaraki, angngerangi singara' ajaranTa, assarei pangngassengang mae ri tau biasaya.

KALAPPASSANG 39:37

bangkeng lampu battu ri bulaeng ti'no', lampu-lampuna siagang sikamma pakkakasa'na, minynya' untu' lampu,

KALAPPASSANG 40:24

Napadongko'mi bangkeng lampua lalang ri Kemaya, ri bageang timboro', assidallekang siagang anjo mejanga,

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

KAIMANGNGANG 24:1

Nasuroi Batara anjo Musa

KAIMANGNGANG 24:3

Harun musti naatoroki anjo lampu-lampua battu ri karueng sa'genna bari'basa' ri tampa' kahaderanNa Batara, ri pantaranna gordeng antongkokai Patti Parjanjianga ri Kamara' Kaminang Matangkasaka. Anjo parentaya musti nigaukangi sa'genna satunggu-tungguna.

MATIUS 4:16

Bansa niaka lalang ri sassanga accini'mi singara' accaya lompoa! Ri tau niaka lalang ri sassanna kamateanga Battumi cayana singaraka assiori!”

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

LUKAS 12:35

“A'jaga-jagako ilalang passala' apa-apa mamo. Musti tuli sadiako ammakeang siagang musti tuli a'rinrai lampunnu;

YOHANES 1:4

Iaminjo Kanaya nakabattui katallassanga, na iaminjo katallassanga assingari rupataua.

YOHANES 1:9

Singara' sitojennaya, assingariai sikontu rupataua, nia'mi battu ri lino.

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.