KAIMANGNGANG 24:16 - KITTA' MATANGKASA'

¹⁶ siagang nihukkung matei. Inai-nai mamo antunrai Batara musti nisambilai siagang batu ri sikontu jama'aka. Anjo hukkunga tappakei untu' tu Israel kammayatompa untu' bansa maraeng ammantang tuliamo ri tangnga-tangngana tu Israel.

KAIMANGNGANG 24:16 ပူးပေါင်းရင်းမြစ်များ

2 SAMUEL 6:2

Napimpingi ke'nanga mange ri Baale-Yehuda, untu' angngallei battu anjoreng Patti Parjanjiang niarenga siagang arenNa Batara Kaminang Koasaya niaka empoang kala'biranNa irate ri patung-patunna malaeka' akka'nyika.

PAMMUJI 139:20

Nacarita ja'dalakKi' ke'nanga, siagang assumpa nipare'-pareki ke'nanga lanri kota-kotaTa.

PAMMUJI 74:10

Sa'genna siapa sallona, o, Allata'ala, musua lancau-cauKi'? Sa'ge tulusu'naka ke'nanga langhinai arenTa?

PAMMUJI 74:18

Kiu'rangi laloi antekamma batena musunTa anghinaKi', o, Batara, bansa tenaya naassengKi' napitinai arenTa.

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

KAIMANGNGANG 20:2

ampabattui anne passalaka mae ri bansa Israel angkanaya, “Inai-nai ri kau yareka bansa maraeng niaka ammantang tuli ri alla'nu angkoro'bangkangi ana'na mae ri Rewata Molokh, musti nisambilai batu ri tau jaia sa'genna mate.

MATIUS 12:31

Jari parallui nuasseng angkanaya, punna a'gau' salai siagang a'bicara hinai taua, akkulleji nipammopporang! Mingka punna nahinai RohNa Allata'ala, takkulleami nipammopporang!

MATIUS 26:66

Jari antekamma panggappanu ngaseng?” Appialimi ke'nanga angkana, “A'nassami kasalanna. Jari siratangi nihukkung mate.”

MARKUS 14:64

Nulangngere' ngasemmi kana-kananNa, anghinai Allata'ala. Kamma-kamma anne antekamma batenu antappuki?” Natappukimi ke'nanga angkanaya salai Isa, siagang siratangi nihukkung mate.

YOHANES 19:7

Appialimi tu Yahudia angkana, “Situru' undang-undang niaka ri kambe, musti nihukkung matei antu Taua, nasaba' Nakanai KalenNa Ana'Na Allata'ala.”

LAMPA-LAMPANA 26:11

A'mole-mole sikali kusessa ke'nanga ri sikamma balla' sambayanga, lanri ero'na kupassa ke'nanga ambokoi anjo apa napatappaka ke'nanga. Lanri bambanna nyawaku mae ri ke'nanga, sa'genna manna mange ri kota-kota maraenga a'lampa tonja' angngondangi ke'nanga anjoreng.”

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

YAKOBUS 2:7

Iaminjo ke'nanga anghinai areng mala'biri' nutarimaya battu ri Allata'ala!