KAIMANGNGANG 24:15 - KITTA' MATANGKASA'

¹⁵ Le'baki anjo pa'la'bangi pau anne mae ri bansa Israel: Inai-nai antunrai Allata'ala musti natanggongi kodina kale'bakkanna

KAIMANGNGANG 24:15 ပူးပေါင်းရင်းမြစ်များ

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

KAIMANGNGANG 18:21

Teako passareangngi kalase'renna ana'nu untu' nikoro'bangkang lalang ri panynyombanga mae ri Rewata Molokh, lanri anjo panggaukang kammaya nahinai arenNa Allata'ala, Bataranu.

KAIMANGNGANG 5:1

Anjo koro'bang nipammopporanna dosaya parallui nipassareang: Punna nia' tau nikellai assare kasa'biang ri pangadelanga, mingka tena nassare kasingarang ri anjo passala' le'baka nacini' yareka nalangngere', sa'genna nakasia' baji'-kodina.

PAMMILANGNGANG 9:13

Kabalekanna tau tenaya nara'masa' siagang tenaya todong nalalang pa'jappang, mingka tanajampangiai ampakalompoi allo Paskaya, tenamo naKubilangi ummakKu, lanri tenana nassare koro'bang mae ri Nakke ri allo le'baka nipattantu. Anjo taua musti natanggongi kale'bakkang kodina anjo dosana.