KAIMANGNGANG 23:39 - KITTA' MATANGKASA'

³⁹ Ri le'ba'na pakkattoanga, appakkaramula ri tanggala' sampulo allima bulang tuju, musti nugaukangi passua'-suarranga lalang tuju allo. Allo makase'rea siagang makasagantujua iamintu allo le'ba' nisa'la' untu' pammari-mariang.

KAIMANGNGANG 23:39 ပူးပေါင်းရင်းမြစ်များ

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

KAIMANGNGANG 23:38

Anjo passua'-suarranga a'jari pannambai mae ri allo-allo Pammari-mariang biasaya; jari sikamma anjo koro'bang passarea a'jari tongi pannambai mae ri passarenu biasaya, ri koro'bang untu' anrupai tinja'nu, yareka koro'bang ero' kalennu ia nupassareanga mae ri Batara.

KAIMANGNGANG 23:40

Ri allo makase'rea musti nuallei rappo-rappoang kaminang bajika battu ri kokonnu, kammayatompa leko'-leko' pandanga siagang tangke-tangke battua ri poko' kayu copponga leko'na, nampa nupakaramulai passua'-suarrang karannuanga untu' ampakalompoi Karaeng Allata'alanu.

PAOLE 16:13

“Punna le'ba'mo nulessoro' gandunnu, siagang le'ba' ngasemmi nipacco' rappo anggoro'nu, musti nupakalompoi Allo Lompo Pa'ballakang Leko'-leko' Kayua, lalang tuju allo.