KAIMANGNGANG 23:33 - KITTA' MATANGKASA'

^33-34 Allo Lompo Pa'ballakang Leko'-leko' Kayua appakkaramulai ri tanggala' sampulo allima bulang tuju na sallona iamintu tuju allo.

KAIMANGNGANG 23:33 ပူးပေါင်းရင်းမြစ်များ

1 KARAENG-KARAENG 12:32

Nampa natampakkang Yerobeam anjo imang-imanga ri Betel untu' anggaukangi tugasa'na anjoreng, nampa ia kalenna assare koro'bang mae ri anjo sapi-sapi bulaeng napareka. Nampa napattantu angkana tanggala' sampulo allima bulang sagantuju allo lompo untu' Israel, sangkamma allo lompoa ri Yehuda. Anjo alloa a'lampai Yerobeam mange ri Betel siagang assare koro'bang untu' ansuarri anjo allo lompo le'baka napattantu.

EZRA 3:4

Nasuarri tommi ke'nanga Allo Lompo Pa'ballakang Leko'-leko' Kayua, situru' paratoranga; nampa allo-allona ke'nanga tuli assare koro'bang nipattantua untu' anjo alloa.

YEHEZKIEL 45:25

Ri passua'-suarrang allo lompo Pa'ballakang Leko'-leko', ia nipakaramulaya ri tanggala' sampulo allima bulang tuju, tunggala' allo lalang tuju allo sikamma patugasaka musti assarei koro'bang sangkamma, iamintu koro'bang pammopporang dosa, koro'bang nitunu, koro'bang gandung siagang minynya' zaitun.”

KAIMANGNGANG 23:32

Appakkaramula ri wattu labuna alloa ri tanggala' salapang anjo bulanga sa'genna labu alloa ri tanggala' sampulo, musti nupakalompoi anjo Allo Pammari-marianga, iamintu allo le'baka nisa'la' untu' pammari-mariang. Sikabusu'na anjo alloa musti appuasako.

ZAKHARIA 14:16

Nampa sikontu tau niaka ija attallasa' ri alla'na anjo bansa-bansa ambundukai Yerusalem, la'lampai mange ri anjo kotaya untu' anynyomba ri Karaeng, Batara Kaminang Koasaya, siagang untu' ampakalompoi Passua'-suarrang Pa'ballakang Leko'-Lekoka.

PAMMILANGNGANG 29:12

Ri tanggala' sampulo allima bulang tuju, musti asse're ngasengko untu' anggaukangi ibadaya, siagang takkulleako anjama battala'. Lalang tuju allo musti apparekko passua'-suarrang untu' ampakalompoi Batara.