KAIMANGNGANG 23:25 - KITTA' MATANGKASA'

²⁵ Assareko koro'bang kanre-kanreang mae ri Batara siagang teako gaukangngi jama-jamang battalaka anjo alloa.

KAIMANGNGANG 23:25 ပူးပေါင်းရင်းမြစ်များ

EZRA 3:6

Manna tenapa nale'ba' nibangung ammotere' Balla'Na Batara, mingka ri tanggala' se're bulang tuju appakkaramulami ra'yaka attunu koro'bang untu' Batara.

KAIMANGNGANG 23:21

Ri anjo alloa musti asse'reko untu' anggaukangi ibadaya siagang takkulleako anggaukangi jama-jamang battalaka. Anjo paratoranga musti nituruki ri jari-jarinu sa'genna satunggu-tungguna, manna pole kemae ke'nanga ammantang.

KAIMANGNGANG 23:26

Tanggala' sampulo bulang tuju iamintu allo upacara taung-taung untu' nipammopporanna dosana bansa Israel. Ri anjo alloa musti appuasako siagang asse'reko untu' anggaukangi ibadaya kammayatompa assare koro'bang kanre-kanreang mae ri Batara.

KAIMANGNGANG 23:35

Ilalanna anjo tuju alloa, tunggala' allo musti assareko koro'bang kanre-kanreang. Ri allo makase'rea siagang makasagantujua musti asse'reko untu' anggaukangi ibadaya siagang assare koro'bang kanre-kanreang mae ri Batara. Teako anjama battalaki anjo alloa.

KAIMANGNGANG 23:7

Lalanna anjo tuju alloa musti assareko koro'bang kanre-kanreang mae ri Batara. Ri allo makase'rea siagang makatujua ri anjo passua'-suarranga musti asse're ngasengko untu' anggaukangi ibadaya siagang takkulleako anggaukangi jama-jamang battalaka.