KAIMANGNGANG 23:17 - KITTA' MATANGKASA'

¹⁷ Tunggala' kaluargaya musti assarei ruang batu roti untu' passare nipappicinikang mae ri Batara. Tunggala' rotia musti nipareki battu ri ruaya kilo labu' alusu' ammakea pa'gambang siagang musti nipassareangi mae ri Batara salaku passare wassele' butta bungasaka.

KAIMANGNGANG 23:17 ပူးပေါင်းရင်းမြစ်များ

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 34:22

Pakalompoi Allo Lompo Pakkattoang ri wattunnu lappakkaramula angkattoi uru wassele' gandunnu. Pakalompo tongi Allo Lompo Pa'ballakang Leko'-leko' Kayua ri kala'busang taunga, ri wattunnu angngalle wassele' rappo-rappoang.

KALAPPASSANG 34:26

Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

KAIMANGNGANG 2:12

Battu ri wassele' buttaya, ia bungasa' niallea tunggala' taung, musti nipassareangi sipa'gang mae ri Batara, mingka takkulleai nitunu irate ri tampa' pakkoro'bangnganga.

KAIMANGNGANG 23:18

Siagang anjo rotia musti assare tongi tu Israel tuju kayu ana' gimbala' umuru' sitaunga, sikayu sapi laki rungka na ruang kayu bembe. Yangasenna takkulleai niaka callanna siagang musti nipassareangi untu' koro'bang nitunu mae ri Batara, siagang koro'bang nipatala kammayatompa koro'bang je'ne' anggoro'. Rasanna anjo koro'banga lanapakasannangi nyawaNa Batara.

KAIMANGNGANG 7:13

Pantaranganna anjo musti nipassareang tongi roti ammakea pa'gambang.

PAMMILANGNGANG 15:17

Napassareangi Batara mae ri Musa

PAMMILANGNGANG 18:12

Kupassareangi mae ri kau sikamma kaminang bajika battu ri kattoang uru-urua, napassareanga tu Israel mae ri Nakke tunggala' taung, iamintu minynya' zaitun, je'ne' anggoro' siagang gandung.

PAMMILANGNGANG 18:13

Yangasenna anjo kammaya untu' ikau. Tunggala' anggota kaluarganu tenaya nara'masa' akkullei nakanre.

PAMMILANGNGANG 28:26

Ri allo makase'rena Allo Lompo Pakkattoanga, allo lompo lappasa'na tappintujua tattuju allo, ri wattunna nupassareang gandung berua mae ri Batara, musti asse're ngasengko untu' anggaukangi ibadaya, siagang takkulleako anggaukangi jama-jamang battalaka.

MATIUS 13:33

Nia' pole se're pangngebarang maraeng Nacarita Isa mae ri anjo tau jaia. Nakana, “Punna ammarenta Allata'ala, sanrapangi pa'gambang niallea ri sitau baine, nampa napasileo' siagang patampulo litere' labu'. Sa'genna pila' a'bakka' jaina anjo labuka!”

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.

1 KORINTUS 15:20

Mingka a'buttimi angkanaya ma'nassa le'ba'mi nipattallasa' poleang Almasi battu ri kamateanga. Iaminne a'jari pammatei ma'nassa lanipattallasa' poleangi ammotere' tau matea.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.