KAIMANGNGANG 23:14 - KITTA' MATANGKASA'

¹⁴ Ri wattu tenanapa nuerangi anjo passarea mae ri Batara, takkulleai nukanre anjo gandung berua manna pole sike'de', baji namataya, kammayatompa nilanggaya yareka nitunua nipa'jari roti. Anne paratoranga musti nituruki ri sikontu jari-jarinu sa'genna satunggu-tungguna.

KAIMANGNGANG 23:14 ပူးပေါင်းရင်းမြစ်များ

NEHEMIA 9:14

Allo Pammari-mariang matangkasaka musti napakalompoi ke'nanga, na tete ri Musa Kipassareang hukkunTa.

PAMMUJI 19:8

Anjo hukkunNa Batara sukku' ganna'na, napakabajiki pakkasia'na nyawaya. ParentaNa Batara akkullei nipatappa' assare kacara'dekang mae ri tu biasaya.

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 34:26

Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

KAIMANGNGANG 10:11

Sikontu hukkung Kupassareanga tete ri Musa, musti nupangngajarrangi mae ri bansa Israel.”

KAIMANGNGANG 2:14

Punna assareko koro'bang mae ri Batara, iamintu gandung bungasa' nukattoa, erangi anjo gandung berua ia le'baka nidengka sa'genna alusu' yareka le'baka nilangga.

KAIMANGNGANG 23:31

Anjo paratoranga tappakei untu' sikontu jari-jarinu manna pole kemae ammantang.

KAIMANGNGANG 23:41

Anjo passua'-suarranga musti nugaukangi tuju allo sallona. Anjo paratoranga musti nigaukangi ri jari-jarinu sa'genna satunggu-tungguna.

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

PAOLE 16:12

Turuki sikontu parentaNa siagang pa'mai' tamamminranu, siagang teako kaluppai angkanaya ikau riolo ata tonjako ri butta Mesir.”