KAIMANGNGANG 22:25 - KITTA' MATANGKASA'

²⁵ Olo'-olo' piara nigappaya battu ri bansa maraenga takkulleai nipassareang untu' koro'bang kanre-kanreang. Olo'-olo' kammaya anjo nibilang niaki callanna siagang takkulleai nitarima.

KAIMANGNGANG 22:25 ပူးပေါင်းရင်းမြစ်များ

YEHEZKIEL 44:7

Le'ba'mi ke'nanga anra'massi BallakKu, nasaba' lalang nipassareanna mae ri Nakke jannana siagang cera'na koro'banga, napa'biangi ke'nanga antama sikamma bansa maraeng tenaya nassunna', siagang tena namannuruki ri Nakke. Lanri anjo sikamma panggaukanna ke'nanga appakaringi'-ringika, nadakkaimi parjanjiangKu siagang ke'nanga.

KAIMANGNGANG 21:6

Anjo imanga le'baki nisa'la untu' iNakke pata, jari takkulleai nara'massi arengKu. Ia assare koro'bang kanre-kanreang mae ri Nakke, jari musti tangkasaki.

KAIMANGNGANG 21:8

Bansa Israelka musti naakui imanga salaku tau le'baka nisa'la' untu' iNakke, nasaba' iami assare koro'bang kanre-kanreang mae ri Nakke. INakke Batara; iNakke anne matangkasakKa' siagang Kutangkasi ummakKu.

KAIMANGNGANG 22:26

Ana' sapi, ana' gimbala' yareka ana' bembe beru lassuka musti ammantangi ri anronna lalang tuju allo. Nampami punna le'ba'mo anjo akkullemi nitarima untu' koro'bang kanre-kanreang.

PAMMILANGNGANG 16:40

Iaminjo a'jari pappiu'rangi mae ri bansa Israel angkanaya pantaranganna jari-jarina Harun, tena manna sitau akkulle battu mae ri tampa' pakkoro'bangnganga untu' attunu dupa mae ri Batara. Inai tau andakkai anjo paratoranga lanipanraki sangkamma Korah siagang sikontu tumminawanna. Yangasenna anjo kammaya nigaukangi situru' apa Naparentakanga Batara mae ri Eleazar tete ri Musa.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

1 YOHANES 5:18

Niassengi angkanaya sikontu tau a'jariamo ana'-ana'Na Allata'ala, tenamo natuli a'gau' dosa ija; nasaba' nijagai ri Ana'Na Allata'ala siagang takkulleami I Ja'dala' a'gau' apa-apa mae ri ia.