KAIMANGNGANG 22:18 - KITTA' MATANGKASA'

^18-19 ampassareangi mae ri Harun siagang sikamma ana'na kammayatompa sikontu bansa Israel anne paratorang-paratoranga. Punna nia' tu Israel yareka bansa maraeng ammantang tuliamo ri alla'na tu Israel assare koro'bang untu' anrupai tinja'na, yareka koro'bang ero' kalenna, anjo olo'-olo' napassareanga musti laki siagang tenaya callanna sollanna akkulle nitarima.

KAIMANGNGANG 22:18 ပူးပေါင်းရင်းမြစ်များ

2 PATTOTTORANG 31:14

Kore ana'na Yimna, tu Lewi, a'jari kapala pangawala' ri Pakke'bu' Lompo Timboro'na Balla'Na Batara, nisarei tugasa' untu' antarimai passare-passare nipassareanga mae ri Batara, nampa nabage-bage.

PAMMUJI 116:14

Lakurupai janjingku ri Ia ri dallekanna sikontu umma'Na.

PAMMUJI 116:18

Lakurupai janjingku mae ri Batara, ri dallekanna sikontu umma'Na

PAMMUJI 22:25

Saba' tena Nacini' tunai tau nijallakkanga, natena Nabawang-bawangngangi kasessanna. Tena Nala'boko battu ri anjo taua, mingka napilangngeri punna appala' tulungi mae ri Ia.

PAMMUJI 56:12

Tappaka' ri Ia, jari tena kumalla', tena pakkullena rupataua mae ri nakke.

PAMMUJI 61:5

Boli'mi kamma kunnumpang ri kemaTa lalang sikontu umurukku, sollangku amang lalang ri la'lanna ka'nyitTa.

PAMMUJI 61:8

Poro ammarentai satunggu-tungguna salaku karaeng nipileTa, o, Allata'ala, Kijagai siagang pangngamaseanTa na tamamminraTa.

PAMMUJI 65:1

Untu' pamimping pakelong. Pammujina Daud. Kelong.

PAMMUJI 66:13

Langngeranga' koro'bang nitunu mange ri BallatTa na kurupai janjingku mae ri Katte,

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.

KATO'BA 5:4

Bajikangngangi tenaya ni'janji, kala a'janjia na tanirupaia.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 1:2

ia mustia naturuki tu Israel. Punna nia' tau assare olo'-olo' untu' koro'bang nitunu mae ri Batara, akkullei assare sapi, gimbala' yareka bembe.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 17:13

Punna nia' tu Israel yareka bansa maraeng ammantang tulia ri alla'na ke'nanga anjakkala' jangang-jangang yareka olo'-olo' maraengannaya iamintu tenaya naharang, musti napasuluki cera'na anjo olo'-oloka nampa natambungi siagang butta.

KAIMANGNGANG 22:17

Nasuroi Batara anjo Musa

KAIMANGNGANG 23:38

Anjo passua'-suarranga a'jari pannambai mae ri allo-allo Pammari-mariang biasaya; jari sikamma anjo koro'bang passarea a'jari tongi pannambai mae ri passarenu biasaya, ri koro'bang untu' anrupai tinja'nu, yareka koro'bang ero' kalennu ia nupassareanga mae ri Batara.

KAIMANGNGANG 7:16

Punna nia' tau angngerang koro'bang passiamakkang untu' anrupai tinja'na, yareka untu' koro'bang lanri ero' kalenna, tena naparallu nikanre ngaseng memang anjo alloa. Punna nia' la'binna akkullei nikanre ammukona.

AMOS 4:5

Assare mako roti salaku sukkuru'nu mae ri Nakke, siagang a'bicara kosong mako angkanaya le'ba' mako angngerang tambana passarenu! Tantu iaminjo nungai ngaseng nugaukang!

YUNUS 1:16

A'jari sanna'mi malla'na anjo sikamma ana' kappalaka mae ri Batara, siagang ri wattunna battu ke'nanga ri bontoa, assaremi ke'nanga koro'bang siagang a'rupa-rupami passala' napa'janjiang mae ri Batara.

YUNUS 2:9

Mingka lakkelonga' pammuji mae ri Katte siagang assarea' koro'bang untu' iKatte. Sikontu janjingku lakurupai. IKatte Batara mappasalamaka.”

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

LAMPA-LAMPANA 18:18

Le'baki anjo sallo iji ammantang Paulus ri Korintus. Mingka ri se'reang allo appala' kanami Paulus ri sikamma tau tappaka anjoreng, nampa a'lampa assombala' siagang Priskila na Akwila mange ri Siria. Battui ke'nanga mange ri Kengkrea, nasuro cukkuru'mi uu'na Paulus, le'baka a'jari la'bu siapa are sallona lanri tinja'na mae ri Batara.

PAOLE 12:17

Ri tampa' pammantangngannu takkulleako angkanrei passare bage sampulona panggappannu battu ri gandunga, battu ri anggoro'nu, battu ri minynya' zaitunnu, battu ri sapinu, bembenu siagang gimbala'nu bungasa' lassuka, koro'bang pa'bayara' tinja'nu, koro'bang ero' kalennu yareka passare maraengannaya.

PAOLE 12:6

Anjoremmi ri tampaka musti nuerang sikamma koro'bang nitunua siagang sikamma koro'bang maraenganga, passare bage sampulona panggappannu siagang passare maraengannaya, koro'bang pa'bayara' tinja'nu, koro'bang passare ero' kalennu, kammayatompa ana' sapi, ana' bembe, siagang ana' gimbala' bungasa' lassuka.

PAOLE 16:10

nampa pakalompoi Allo Lompo Pakkattoanga untu' ampakala'biriki Karaeng Allata'alanu. Ri anjo alloa angngerangko passare ero' kalennu mae ri Ia, situru' jaina dalle' Napassareanga mae ri kau.