KAIMANGNGANG 22:16 - KITTA' MATANGKASA'

¹⁶ lanri nalappassanna nakanre tau tenaya nakkulle angkanrei anjo passarea. Anjo kammaya napa'jari salami anjo taua siagang lanitujui ri hukkungang. INakke Batara, siagang iNakke ampakatangkasaki anjo passarea.”

KAIMANGNGANG 22:16 ပူးပေါင်းရင်းမြစ်များ

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

KALAPPASSANG 28:38

Anjo belo-belo bulaenga musti napatabai Harun ri abanna, sollanna iNakke, Batara, eroKa' antarimai sikontu passare naeranga tu Israel mae ri Nakke, manna pole nania' kasalanna ke'nanga lalang naeranna anjo passarea.

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

KAIMANGNGANG 20:8

Turuki hukkung-hukkungKu, lanri iNakkemi Batara, le'baka ansa'lakko untu' KalengKu pata.”

KAIMANGNGANG 21:15

Punna nadakkai anne paratoranga, anjo ana'-ana'na sallang, siratanga matangkasa', la'jari ra'masaki. INakke Batara siagang iNakke le'ba' ansa'laki a'jari Imang Lompo.”

KAIMANGNGANG 21:23

Lanri anjo taua sala-salangi kalenna, takkulleai nareppesi gordeng passimbanna Kamara' Matangkasaka siagang tampa' pakkoro'bangnganga. Takkulleai nara'massi barang-barang le'baka nisa'la' untu' iNakke, lanri iNakkemi Batara, siagang iNakkemi ansa'laki anjo barang-baranga.”

KAIMANGNGANG 21:8

Bansa Israelka musti naakui imanga salaku tau le'baka nisa'la' untu' iNakke, nasaba' iami assare koro'bang kanre-kanreang mae ri Nakke. INakke Batara; iNakke anne matangkasakKa' siagang Kutangkasi ummakKu.

KAIMANGNGANG 22:17

Nasuroi Batara anjo Musa

KAIMANGNGANG 22:9

Sikontu imanga musti naturuki paratorang-paratorang Kupassareanga. Punna tena, salai ke'nanga siagang tena tamatena, lanri nadakkai ke'nanga anjo paratorang-paratorang matangkasaka. INakke Batara, siagang iNakke ansa'laki ke'nanga untu' KalengKu.

KAIMANGNGANG 7:18

Mingka punna ri makatalluna alloa na nikanre ija anjo dagenga, tenamo nalanitarima anjo koro'banga siagang tenamo nalangngerang barakka' mae ri kalenna anjo tau angngeranga koro'bang, ba'lalo a'jari harammi. Inai-nai angkanrei, salai anjo taua, siagang musti natanggongi kodina.

PAMMILANGNGANG 18:1

Nakana Batara mae ri Harun, “Ikau, ana'-ana'nu siagang tu Lewia, musti natanggongi kale'bakkanna kakodianna sikamma kasalang kajarianga lalang ri KemaKu; mingka ikauji bawang siagang sikamma ana'nu antanggongi kasalang kajarianga lalang ri jama-jamanna imanga.

PAMMILANGNGANG 18:32

Tena nusala punna nukanrei, assala' le'ba'mi nupassareang bageang kaminang bajika mae ri Batara. Teako ra'massi passare matangkasa'na tu Israel, lanri nukanrena anjo passarea natenapa nusa'laki bageang kaminang bajika untu' Batara. Punna nudakkai anjo parentaya, tena tamatenu.

MATIUS 23:17

Ikau ngaseng tu toloa siagang tu butaya! Kereanga paralluangang: bulaenga yareka Balla'Na Batara ampa'jariai matangkasa' anjo bulaenga?

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.