KAIMANGNGANG 22:10 - KITTA' MATANGKASA'

¹⁰ Anjo passare nisa'laka untu' iNakke imangaji bawang siagang kaluargana akkulle angkanrei; tau maraenga takkulleai, manna pole nasiballa' anjo imanga yareka manna pole natungnganre gajina imanga.

KAIMANGNGANG 22:10 ပူးပေါင်းရင်းမြစ်များ

EZRA 2:63

Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

KALAPPASSANG 12:43

Nakana Batara mae ri Musa siagang Harun, “Iaminne paratoranna punna nipakalompo allo Paskaya. Bansa maraenga takkulleai angnganre dageng gimbala' nipassareanga ri allo Paskaya.

KALAPPASSANG 12:45

Tau battu-battua yareka tau angnganre gajia takkulleai amminawang angnganre.

KALAPPASSANG 29:33

Musti nakanrei ke'nanga kanre nikoro'bangkanga lalang ri upacara pammopporang dosa ri wattunna palantikang. Imangaji bawang akkulle angkanrei kanre le'baka nisa'la' untu' iNakke.

YEHEZKIEL 44:8

Teai ke'nanga bawang anggaukangi sikamma pa'gaukang matangkasaka lalang ri BallakKu, passangalinna tau bansa maraenga nasare tongi tugasa' ke'nanga untu' anggaukangi.

KAIMANGNGANG 21:22

Mingka akkullei nakanre kanre nipassareanga, baji' koro'bang kanre-kanreang matangkasaka kammayatompa koro'bang kanre-kanreang sannaka matangkasa'na.

KAIMANGNGANG 22:13

Mingka ana' bainena imanga ia a'jari jandayamo yareka le'bakamo nisa'la' natena ana'na nampa ammotere' mange ri balla'na manggena kammayatompa a'jari tanggonganna manggena, akkullei nakanre bageanna manggena. Kaluarganaji bawang imanga akkulle angkanrei anjo passarea.

PAMMILANGNGANG 3:10

Mingka Harun siagang sikamma ana'na musti nuangkaki untu' anggaukangi tugasa'na salaku imang; pantaranganna ke'nanga, manna pole nai ampaccoba-cobai anggaukangi anjo tugasaka musti nihukkung matei.”

MATIUS 12:4

Antamaki ri Balla'Na Allata'ala, nanakanre roti le'baka nipassareang ri dallekanNa Allata'ala. Padahala', manuru' ri pangatorang agamata takkulleai ke'nanga angkanrei anjo rotia – nasaba' imang-imangaji bawang akkulle angkanrei.

1 SAMUEL 21:6

Jari napassareammi anjo imanga mae ri Daud anjo roti nipakkoro'bangnganga. Nasaba' ia niaka ri ia poro iaji bawang anjo roti nipakkoro'bangnganga mae ri Allata'ala, siagang le'ba'mi niangka' battu ri tampa' pakkoro'bangnganga untu' nisambei roti beru. (

1 SAMUEL 21:7

Kabutulangi, Doëg tu Edom, kapala pakalawakinna olo'-olo'na Saul, nia' tongi anjoreng anjo alloa, untu' ampapolei se'reang kawajibang agamana.)