KAIMANGNGANG 21:7 - KITTA' MATANGKASA'

⁷ Se'rea imang takkulleai a'bunting siagang baine le'ba' pagau' salaya yareka baine tenayamo natulolo yareka le'bakamo assisa'la' siagang bura'nenna, lanri anjo imanga iNakke pata.

KAIMANGNGANG 21:7 ပူးပေါင်းရင်းမြစ်များ

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YEHEZKIEL 44:22

Sikamma imanga tulolo Israel ji bawang akkulle nabuntingi, iamintu tuloloa iji yareka jandana se'rea imang. Takkulleai ke'nanga ambuntingi baine le'baka nitalla'.

KAIMANGNGANG 21:8

Bansa Israelka musti naakui imanga salaku tau le'baka nisa'la' untu' iNakke, nasaba' iami assare koro'bang kanre-kanreang mae ri Nakke. INakke Batara; iNakke anne matangkasakKa' siagang Kutangkasi ummakKu.

1 TIMOTIUS 3:11

Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.