KAIMANGNGANG 20:3 - KITTA' MATANGKASA'

³ Inai-nai angkoro'bangkangi ana'na mae ri Rewata Molokh, nara'massi KemaKu siagang nahinai areng matangkasakKu. LaKuhukkungi siagang tenamo nalaKubilangi anggota ummakKu.

KAIMANGNGANG 20:3 ပူးပေါင်းရင်းမြစ်များ

KALAPPASSANG 30:33

Tau appareka minynya' kamma anjo, yareka napakei untu' tau teai imang, tenamo nalanibilang anggota ummakKu.”

YEHEZKIEL 20:39

Nakana Batara Kaminang Tinggia, “He tu Israel, kamma-kamma anne battu ri kau tommami. Patulusu'mi a'gau' dosa anynyomba ri barhala-barhalanu! Mingka u'rangi angkanaya punna le'baki anjo musti mannurukiko ri Nakke siagang tenamo nanura'massi areng matangkasakKu lanri angngerannu passare mae ri anjo barhala-barhalanu.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

KAIMANGNGANG 15:31

Nasuroi Batara anjo Musa ampakaingaki bansa Israel sollanna naparhatikang ke'nanga angkana ringngapanna nara'masa' ke'nanga siagang ringngapanna natena nara'masa', sollanna tena nara'massi ke'nanga KemaNa Batara, ia niaka ri tangnga-tanganga kemana ke'nanga. Punna nara'massi ke'nanga anjo Kemaya, tena tamatena ke'nanga.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 18:21

Teako passareangngi kalase'renna ana'nu untu' nikoro'bangkang lalang ri panynyombanga mae ri Rewata Molokh, lanri anjo panggaukang kammaya nahinai arenNa Allata'ala, Bataranu.

KAIMANGNGANG 19:12

Teako a'janji lanri arengKu punna tena nuttojeng-tojeng ero' anrupai anjo janjia, nasaba' lanri kammana anjo nuhinami arengKu. INakke Karaeng Allata'alanu.

KAIMANGNGANG 20:4

Punna tena namakkana-kana tau jaia mae ri panggaukanna tau kammaya anjo siagang tena nahukkungi sa'genna mate,

KAIMANGNGANG 21:6

Anjo imanga le'baki nisa'la untu' iNakke pata, jari takkulleai nara'massi arengKu. Ia assare koro'bang kanre-kanreang mae ri Nakke, jari musti tangkasaki.

KAIMANGNGANG 7:20

Punna nia' tau angkanrei anjo dagenga ri wattu ra'masa'na, tenamo nanibilangi anggota umma'Na Allata'ala.

KAIMANGNGANG 7:21

Punna nia' tau angkanrei anjo dageng koro'banga ri wattu le'ba'na nasero apa-apa ra'masaka, baji' na apa-apa battua ri rupataua kammayatompa na apa-apa battua ri olo'-oloka, tena tommo nanibilangi anggota umma'Na Allata'ala.

PAMMILANGNGANG 19:13

Tau naseroa maya' siagang tenaya natangkasi kalenna anjari ra'masaki, lanri tenanapa nanitiriki siagang je'ne' upacara. Nara'massi KemaNa Batara siagang lanri kammana anjo tenamo nanibilangi anggota umma'Na Allata'ala.

PAMMILANGNGANG 19:20

Tau a'jari ra'masaka siagang tena nagaukangi upacara pannangkasia ri kalenna, tuli ra'masa'na lanri tenapa nanitiriki siagang je'ne' upacara. Nara'massi KemaNa Batara, siagang tenamo nanibilangi anggota umma'Na Allata'ala.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”