KAIMANGNGANG 20:2 - KITTA' MATANGKASA'

² ampabattui anne passalaka mae ri bansa Israel angkanaya, “Inai-nai ri kau yareka bansa maraeng niaka ammantang tuli ri alla'nu angkoro'bangkangi ana'na mae ri Rewata Molokh, musti nisambilai batu ri tau jaia sa'genna mate.

KAIMANGNGANG 20:2 ပူးပေါင်းရင်းမြစ်များ

1 KARAENG-KARAENG 11:7

Irate ri moncong ri bageang rayanganna Yerusalem, appaentengi tampa' panynyombang untu' Kamos rewatana tu Moab, siagang Molokh, rewatana tu Amon – rua-ruai rewata appakaringi'-ringi'.

2 KARAENG-KARAENG 17:17

Napassareangi ana'na ke'nanga a'jari koro'bang nitunu mae ri rewataya. Ammakei ke'nanga pangngissengang siagang appalaki pangngunju' battu ri sanro-sanroa ia akkullea sipa'bicara siagang roh-roh tenaya naniciniki. Teai sipato' batena anggaukang ngasengi anjo apa-apa tenaya Nangai Batara,

2 KARAENG-KARAENG 23:10

Tofet, iamintu tampa' panynyombanga mae ri rewataya ri Ka'bung Lappara' Hinom, napanraki tongi. Lanri kammana anjo tenamo tau akkulle ampassareangi ana'na untu' a'jari koro'bang mae ri Rewata Molokh.

2 PATTOTTORANG 28:3

nampa attunu dupa ri Ka'bung Lappara' Hinom. Ba'lalo ana' bura'ne kalenna napassareang a'jari koro'bang mae ri barhalaya, situru' kabiasang ja'dala'na tau le'bakamo Nabongka Batara battu ri pa'rasangang Kanaan ri wattunna napantamakki tu Israel anjo pa'rasanganga.

2 PATTOTTORANG 33:6

Ana'-ana' kalenna napassareang nipa'jari koro'bang nitunu ri Ka'bung Lappara' Hinom. Nagaukang tongi jama-jamang sanroa, pacinika, pangngissenganga, siagang appalaki pangngunju' mae ri roh-roh tanicinika. Teai sipato' dorakana mae ri Batara, sa'genna napakalarromo Batara.

PAMMUJI 106:38

Napassolongi cera'na tau tenaya nasala, cera'na ana'-ana' kalenna ke'nanga, untu' nikoro'bangkang mae ri barhala-barhala; sa'genna nara'massi ke'nanga anjo pa'rasanganga.

YEREMIA 32:35

Ambangungi ke'nanga tampa'-tampa' pakkoro'bangngang untu' Rewata Baal ri Ka'bung Lappara' Hinom, nampa napassareang ana'-ana'na ke'nanga a'jari koro'bang mae ri Rewata Molokh. Padahala', tale'bakai Kusuro ke'nanga anggaukangi anjo kammaya, ba'lalo tale'bakai ammumba lalang ri pikkirangKu angkanaya lanagaukangi ke'nanga anjo panggaukang appakaringi'-ringi' kammaya siagang napa'jari dorakai tu Yehuda.”

YEREMIA 7:31

Se're tampa' pakkoro'bangngang niarenga Tofet le'ba'mi nabangung ke'nanga ri Ka'bung Lappara' Hinom untu' napake ampassareangi ana'-ana'na ke'nanga a'jari koro'bang nitunu. Padahala' iNakke tena le'bakai Kusuro anggaukangi anjo kammaya, ba'lalo tena le'bakai ammumba anjo pikkirang kammaya lalang ri pikkirangKu.

YEHEZKIEL 20:26

Kulappassangi ke'nanga anra'massi kalenna siagang koro'bang-koro'banna ke'nanga, ba'lalo ana' bungasa' bura'nena ke'nanga nakoro'bangkangi. Kammami anjo carana ke'nanga Kuhukkung sollanna naasseng ke'nanga angkanaya iNakkemi Batara.

YEHEZKIEL 20:31

Ba'lalo sa'genna anne alloa nura'massi kalennu lanri angngerannu passare siagang nutunui ana'-ana'nu salaku koro'bang mae ri barhala-barhalaya. Nampa barani ijako appala' pangngunju' battu ri Nakke? Lanri iNakke, Allata'ala mattallasaka, Batara Kaminang Tinggia, tena nalaKupa'biangko appala' pangngunju' battu ri Nakke.

YEHEZKIEL 23:37

Nagaukangi ke'nanga a'gau' bawanga siagang ammunoa; a'gau' bawangi ke'nanga siagang barhala-barhalaya siagang nabunoi ana'-anakKu nalassukanga ke'nanga. Anjo ana'-anaka le'baki napassareang mae ri barhala-barhalana ke'nanga.

YEHEZKIEL 23:39

Ri allo nabunona ana'-anakKu siagang napassareanna mae ri barhala-barhalaya, anjo tau ruaya massari'battang battui mange ri BallakKu nampa nara'massi!

KAIMANGNGANG 17:13

Punna nia' tu Israel yareka bansa maraeng ammantang tulia ri alla'na ke'nanga anjakkala' jangang-jangang yareka olo'-olo' maraengannaya iamintu tenaya naharang, musti napasuluki cera'na anjo olo'-oloka nampa natambungi siagang butta.

KAIMANGNGANG 17:15

Sikamma tu Israelka yareka bansa maraeng angnganrea dageng mate kalenna, yareka mate nikokko' ri olo'-olo' sekke', musti nasassai pakeanna nampa a'je'ne' siagang attayang sa'genna labu alloa, nampami a'jari tangkasa'.

KAIMANGNGANG 17:8

Punna nia' tu Israel yareka bansa maraeng ammantang tulia ri alla'na tu Israel assare koro'bang nitunu yareka koro'bang maraengang

KAIMANGNGANG 18:21

Teako passareangngi kalase'renna ana'nu untu' nikoro'bangkang lalang ri panynyombanga mae ri Rewata Molokh, lanri anjo panggaukang kammaya nahinai arenNa Allata'ala, Bataranu.

KAIMANGNGANG 20:1

Nasuromi Batara anjo Musa

KAIMANGNGANG 20:27

Inai-nai tu bura'ne yareka tubaine appare' passisambungang siagang roh-rohna tau matea, musti nisambilai batu sa'genna mate. Anjo taua matei lanri salana tonji.”

KAIMANGNGANG 24:14

“Erangi anjo taua assulu' ri pantaranganna kemaya. Sikamma tau le'baka allangngereki attunra anjo taua, musti napadongkoki limanna ri tompo' ulunna anjo taua nampa anjari sa'bi angkanaya salai anjo taua. Nampa sikontu ummaka musti nasambilai batu anjo taua sa'genna mate.

KAIMANGNGANG 24:16

siagang nihukkung matei. Inai-nai mamo antunrai Batara musti nisambilai siagang batu ri sikontu jama'aka. Anjo hukkunga tappakei untu' tu Israel kammayatompa untu' bansa maraeng ammantang tuliamo ri tangnga-tangngana tu Israel.

KAIMANGNGANG 24:23

Le'baki napabattu Musa sikamma anjo kana-kanaya mae ri bansa Israel, naerammi ke'nanga anjo tau le'baka antunrai Allata'ala assulukang ri pantaranganna pakkemaanga nampa nisambila siagang batu sa'genna mate. Kammaminjo carana tu Israel anggaukangi apa le'baka Naparentakang Batara mae ri Musa.

LAMPA-LAMPANA 7:43

Mingka balla'-balla'na rewata Molokh nuerang mange-mange siagang patunna bintoeng rewatanu, iamintu Refan; iaminjo patung nupareka, ero' nusomba. Iaminjo saba'na nalaKupelakko sa'gennu bella mange ri ba'leanna pa'rasangang Babel.’

PAOLE 12:31

Tea' laloko palembai carana anjo bansa-bansaya anynyomba ri rewata-rewatana ke'nanga untu' anynyomba ri Karaeng Allata'alanu, nasaba' anjo ke'nanga punna anynyombai nagaukangi apa-apa pallaka siagang Nakabirisia Batara. Ba'lalo manna ana'na ke'nanga natunui ke'nanga irate ri tampa' pakkoro'bangnganga salaku koro'bang untu' rewata-rewatana ke'nanga.

PAOLE 17:2

Ebara' angkana nulangngere' kabaraki angkanaya ri kalase'renna kotanu nia' tau doraka lanri nadakkaina parjanjiang

PAOLE 18:10

Teako passareangngi ana'-ana'nu a'jari koro'bang nitunu. Teako manna sitau battu ri kau a'jari paboto, a'boyaya pammatei-pammatei, ammakea jampi-jampi yareka

PAOLE 21:21

Nampa tu bura'ne niaka ri anjo kotaya musti nasambilai anjo anaka siagang batu sa'genna mate. Kammaminjo caranu ampaccappuki kaja'dallang kammaya anjo. Sikamma tu Israelka lanalangngereki kabara'na anjo kajarianga siagang a'jari malla'mi.”

PAOLE 22:21

anjo bainea musti nierangi mange ri pakke'bu' balla'na tau toana. Anjoreng ri tampaka musti nisambilai siagang batu anjo bainea ri tubura'-bura'nea ri anjo kotaya sa'genna mate. Anjo bainea le'baki ampanggaukang appakasirika mae ri bansata lanri nagaukanna assikatinroanga siagang bura'ne ri tenanapa na'bunting, ri wattu ammantanna ija ri balla'na manggena. Lanri nihukkunna anjo bainea nupaccappu'mi anjo kaja'dallang kammaya.