KAIMANGNGANG 2:4 - KITTA' MATANGKASA'

⁴ Punna anjo napassareanga roti nitunu lalang ri pattunuang rotia, anjo rotia musti tena nammake pa'gambang. Anjo rotia akkullei kapala', nipareka battu ri leokang labu' alusu' siagang minynya' zaitun; akkulle tongi kanrejawa nisapua siagang minynya' zaitun.

KAIMANGNGANG 2:4 ပူးပေါင်းရင်းမြစ်များ

PAMMUJI 22:14

Tassungkei bawana ke'nanga andallekanga', sanrapang singa ammarrunga sa'ranna ero' angngokko'.

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

KALAPPASSANG 16:31

Anjo kanrea naarengi tu Israel manna. Tanja'na kammai lisere'-lisere' ca'di, keboki, nakasia'na kammai kanrejawa ammakea je'ne' bani.

KALAPPASSANG 29:2

Apparekko leokang battu ri tarigu kaminang bajika tenaya nammake pa'gambang. Sipa'gang anjo leokanga musti nipareki roti siagang minynya' zaitun, sipa'gang maraenga tena nammake minynya', nampa la'binna nipareki kanrejawa nisapua siagang minynya'.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEHEZKIEL 46:20

na nakana, “Ri anne tampaka sikamma imanga musti napallu koro'bang pannangkasi dosaya siagang koro'bang passambe karugianga kammayatompa nalangga gandunga, sollanna manna sike'de' anjo koro'bang matangkasaka tena nanierangi assulu' ri paranglakkeng bageang pantaraka sa'genna nabalai ra'yaka.”

KAIMANGNGANG 1:11

Anjo taua musti nasamballei anjo olo'-oloka ri bageang warakkanna anjo tampa' pakkoro'bangnganga; nampa imang-imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 10:12

Nakana Musa ri Harun siagang ruaya ana'na, iamintu Eleazar siagang Itamar, “Allei la'binna gandung kanre nipassareanga mae ri Batara. Battu ri anjo labuka apparekko roti tenaya nammake pa'gambang, nampa nukanre ri sa'rinna tampa' pakkoro'bangnganga, lanri anjo koro'banga teai sipato' tangkasa'na.

KAIMANGNGANG 7:12

Punna nipassareang anjo koro'banga untu' appala' sukkuru', anjo olo'-oloka musti nikoro'bangkangi siagang roti tenaya nammake pa'gambang. Anjo rotia akkullei kapala', nipareka battu labu' nipasileoka minynya' zaitun, akkulle tongi roti kalotoro' nipisika siagang nisapua siagang minynya', yareka kanrejawa labu' nipasileoka siagang minynya' zaitun.

PAMMILANGNGANG 6:15

Musti assare tongi sibaku' roti tenaya nammake pa'gambang, iamintu roti a'bo'donga ia nipareka battu ri labu' nipasileoka siagang minynya' zaitun, kammayatompa kanrejawa nipisi' nisapua minynya' zaitun. Pantaranganna anjo sikammaya musti assare tongi koro'bang nipatala siagang koro'bang inung-inungang.

MATIUS 26:38

Nakanamo ri ana'-ana' gurunNa, “Sanna' si'nana Kusa'ring pa'maikKu, kamma Kusa'ring tau lamatea. Ammantang mako anrinni anrurungangA' a'jaga-jaga.”

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

1 PETRUS 2:22

Tena nale'ba' a'gau' dosa, siagang tale'bakai nia' tau allangngereki a'balle-balle.